Heimildarmynd varð kveðjubréf til afa og ömmu

„Áhuginn spratt upp úr áhuga afa á dauð­anum, en hann var mjög mikið að und­ir­búa sig fyrir hann. Hann var búinn að kaupa kist­una og var að skipu­leggja jarð­ar­för­ina á sama tíma og hann var að skipu­leggja 100 ára afmæli sitt. Hann var búinn að ákveða að hann ætl­aði að ná það langt.“

Svona lýsir Jón Bjarki Magn­ús­son kveikj­unni að heim­ild­ar­mynd sinni, Hálfur Álfur, sem fer í almennar sýn­ingar 25. mars. Árið 2015 hóf Jón meist­ara­nám í sjón­rænni mann­fræði við Freie Uni­versität í Berlín. Þegar kom að því að velja loka­verk­efni segir Jón að líf afa hans og ömmu, Trausta Breið­fjörð Magn­ús­son og Huldu Jóns­dóttur, hafi verið fyrsta val sitt.

Þegar aðal­tökur fóru fram voru þau hjónin orðin 99 og 96 ára, og höfðu búið undir sama þaki í um 70 ár. „Ég hugs­aði með mér að ef ég myndi ekki fylgja maga­til­finn­ing­unni eftir á þessum tíma­punkti þá …