Í allri umræðunni um aukna fjarvinnu gleymist stundum að gera ráð fyrir því að til þess að hún geti gengið vel er góð fjarstjórnun lykilatriði. Þetta segir Bjarney Sonja Breidert, framkvæmdastjóri 1xINTERNET, sem er 40 manna hugbúnaðarfyrirtæki með höfuðstöðvar í Frankfurt í Þýskalandi en einnig skrifstofur í Reykjavík, Conil og Berlín. Þar að auki starfa um tíu einstakir starfsmenn víða um heim. Fyrir tveimur árum fór fyrirtækið í gegnum róttækar breytingar sem fólust meðal annars í því að allir starfsmenn, hvort sem þeir voru staddir í höfuðstöðvum fyrirtækisins eða ekki, fóru að eiga í samskiptum í gegnum fjarfundi. Fyrirtækið fór að öllu leyti á „remote level“. „Fólk í fjarvinnu verður oft dálítið út undan í hefðbundnum fyrirtækjum, því það missir af þessu upplýsingaflæði sem á sér stað á skrifstofunni, eða í bjórnum á kvöldin. Það var þess vegna sem við ákváðum að breyta öllum ferlum hjá okkur, til þess að …