Stoðdeild ríkislögreglustjóra hefur sent út tilkynningu þar sem hún óskar eftir upplýsingum um ferðir og dvalarstað Ibrahim Mahrous Ibrahim Khedr og Doaa Mohamed Mohamed Eldeib og barna þeirra fjögurra.
Flytja átti fjölskylduna úr landi síðastliðinn miðvikudag eftir að Útlendingastofnun hafði úrskurðað að þau ættu að sæta frávísun. Hún fór hins vegar í felur áður en að af því varð og yfirvöld hafa ekki fundið hana síðan.
Ríkislögreglustjóri óskar eftir því að allir þeir sem geti gefið upplýsingar um „ferðir fjölskyldunnar eða vita hvar hún er niðurkomin“.
[adspot]Málið hefur vakið mikla athygli hérlendis undanfarið. Lögregla átti að sækja fjölskylduna á heimili þeirra á Ásbrú klukkan hálfsex í miðvikudaginn 16. september og áttu þau að fljúga héðan til Amsterdam og þaðan til Kaíró í Egyptalandi. Þegar það átti að sækja þau var fjölskyldan hins vegar horfin.
[links]Þessir atburðir urðu meðal annars til þess að Rósa Björk Brynjólfsdóttir, þingmaður Vinstri grænna, sagði sig úr flokknum. Í yfirlýsingu sem hún sendi frá sér stóð meðal annars: „Nýlegir atburðir er varða brottvísun stjórnvalda á barnafjölskyldu sem hefur beðið eftir lausn sinna mála í 25 mánuði og viðbrögð ríkisstjórnar sem VG er í forystu fyrir í því máli, urðu til þess að ég finn endanlega að ég á ekki lengur samleið með þingflokki VG.“
Magnús Davíð Norðdahl, lögmaður fjölskyldunnar, lagði í dag fram stefnu og beiðni um flýtimeðferð í Héraðsdómi Reykjavíkur fyrir hönd hennar. Þar er meðal annars byggt á því að við málsmeðferð stjórnvalda hafi þeim láðst að framkvæma sjálfstætt og heildstætt mat á hagsmunum barnanna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
stjórnkerfi
Ósk Elfarsdóttir
#Hvar er stjórnarskrárgjafinn?
Athugasemdir