Fyrri aukaspurning:
Útlínur hvaða lands má sjá hér að ofan?
***
Aðalspurningar:
1. Fræðibók ein eftir Bergsvein Birgisson komst í sviðsljósið um daginn. Hvað heitir bókin — nákvæmlega?
2. Í hvaða ríki er fyrst minnst á núðlur? Þetta var skömmu eftir Krists burð.
3. Hverrar þjóðar var Eva Braun?
4. Í hvaða borg er helsta minnismerkið um Lincoln í Bandaríkjunum?
5. Arndís Anna Kristínardóttir Gunnarsdóttir heitir nýr þingmaður Reykjavíkurkjördæmis suður. Henni hefur auðvitað ekki unnist mikill tími til að láta að sér kveða, en komst þó í fréttirnar um daginn. Vegna hvers?
6. Bróðir Arndísar Önnu lét af þingmennsku um leið og hún settist á þing. Hver er það?
7. Og fyrir hvaða flokk sátu og sitja þau systkinin bæði á þingi?
8. Fræg skáldsaga eftir kólumbískan höfund heitir Hundrað ára ... hvað?
9. Hvað er amaba?
10. Rómverskur keisari fæddist á þessum degi fyrir 1.984 árum. Hann svipti sig að lokum lífi þegar óvinir sóttu að honum, og mun þá hafa sagt: „Æ, hvílíkur listamaður deyr nú með mér!“ Hvað hét hann?
***
Seinni aukaspurning:
Í hvaða landi ríkti þjóðarleiðtoginn hér að neðan? Tekið skal fram að þetta er erfið spurning og sárafá ykkar munu í raun þekkja manninn í sjón. Þokkalega glúrin ágiskun í bland við rannsókn á myndinni gæti þó skilað réttu svari. Og það er lárviðarstig í boði fyrir að vita hvað karlinn heitir!
***
Svör við aðalspurningum:
1. Leitin að svarta víkingnum.
2. Kína.
3. Þýsk.
4. Washington
5. Hún fékk alltof löngu netfangi úthlutað frá Alþingi.
6. Helgi Hrafn.
7. Pírata.
8. Einsemd.
9. Einfrumungur, örvera, eitthvað þvíumlíkt er allt rétt.
10. Neró.
***
Svör við aukaspurningum:
Á efri myndinni eru útlínur Indlands.
Á neðri myndinni er einræðisherra Albaníu til margra ára, Enver Hoxha.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir (1)