Erlendar eignir lífeyrissjóðanna drógust saman um 27 milljarða í maímánuð, samkvæmt nýrri birtingu hagtalna á vef Seðlabankans.
Heildareignir lífeyrissjóðanna námu 3.633 milljarða i lok maí, en það er um 28 milljarða lægri en í lok apríl. Innlendu eignirnar hreyfðust lítið, eða um 400 milljónir. Hins vegar minnkuðu erlendar eignir sjóðanna úr 789 milljarða niður í 761 milljarð, eða um 27 milljarða.
[adspot]Á sama tímabili styrktist raungengi íslensku krónunnar um 5,6%, en það var mesta mánaðarlega styrking frá því í febrúar 2009. Hugsast getur að lækkun erlendra eigna sé vegna mikillar styrkingar krónunnar á undanförnum mánuðum.
Á mynd fyrir neðan sést hvernig erlendar eignir lífeyrissjóðanna hafa lækkað frá afléttingu hafta í mars síðastliðnum.
Kjarninn birti nýlega viðtal við Benedikt Jóhannesson, fjármálaráðherra, en þar sagði hann að það komi vel til greina að grípa til aðgerða við að þrýsta íslenskum lífeyrissjóðum í frekari erlendar fjárfestar ef þeir hreyfi sig ekki sjálfir í þá átt. Enn fremur sagði hann það vera skynsamlegt fyrir þá að fara í meiri fjárfestingar erlendis út frá áhættudreifingarsjónarmiði.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir