Fyrri aukaspurning:
Hvað heitir bíómyndin sem hér má sjá skjáskot úr?
***
Aðalspurningar:
1. Hver skrifaði bókina Lok lok og læs, sem kom út fyrir jólin síðustu?
2. Í hvaða borg er leikhúsgatan fræga Broadway?
3. Hversu margir hlutir eru í meðalbíl? Hér teljast skrúfur og boltar með. Eru það 300 hlutir, 3.000, 30.000, 300.000, 3 milljónir hluta eða 30 milljónir?
4. Hvaða fyrrverandi námsmaður í Sovétríkjunum skrifaði síðar um dvöl sína bókina Miðvikudagar í Moskvu?
5. Í hvaða heimsálfu er landið Nepal?
6. Ýmsar eyjar eru á hinum svonefnda Mið-Atlantshafshrygg en aðeins eitt heilt land. Hvaða land er það?
7. Hver leikstýrir sjónvarpsþáttaröðinni Svörtu sandar sem sýnd er á Stöð 2 um þessar mundir?
8. Hvaða hljómsveit flutti lagið Mýrdalssandur fyrir um 30 árum? Nefna verður hljómsveitina sjálfa, ekki meðlimi hennar.
9. Hvaða tennisleikari, sem enn er virkur, hefur unnið flest risamót í kvennaflokki?
10. Ragnheiður Runólfsdóttir varð íþróttamaður ársins 1991, önnur kvenna og fyrsta konan síðan 1964. Í hvaða íþróttagrein keppti Ragnheiður?
***
Seinni aukaspurning:
Hver er þéttbýlisstaður sá sem leynist undir rauða punktinum?
***
Svör við aðalspurningum:
1. Yrsa Sigurðardóttir.
2. New York.
3. 30.000.
4. Árni Bergmann.
5. Asíu.
6. Ísland.
7. Baldvin Z.
8. GCD. Gaman er að hlusta á þetta fjöruga lag í morgunsárið:
9. Serena Williams.
10. Sundi.
***
Svar við aukaspurningum:
Á þeirri efri er sena úr Hamlet.
Á þeirri neðri leynist London undir rauða punktinum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir