Ásthildur Sturludóttir fyrrverandi bæjarstjóri í Vesturbyggð verður nýr bæjarstjóri á Akureyri.
Meirihluti L-listans, Framsóknar og Samfylkingar hafa ákveðið að ganga til samninga við Ásthildi um starfið.
Ásthildur gegndi sveitarstjórastöðunni í Vesturbyggð frá árinu 2010 og var bæjarstjóra efni D-listans þar fyrir kosningarnar í vor en lét af störfum þar í kjölfar þess að nýr meirihluti ákvað að auglýsa starfið.
Ásthildur tekur við af Eiriki Birni Björnssyni sem verið hefur bæjarstjóri á Akureyri síðustu átta ár.
Ásthildur er með BA-próf í stjórnmálafræði frá HÍ og MPA-gráðu í opinberri stjórnsýslu frá PACE University í New York. Hún hefur starfað sem verkefnisstjóri á rektorsskrifstofu og markaðs- og samskiptasviði Háskóla Íslands auk þess sem hún var verkefnisstjóri við byggingu Hörpunnar, tónlistar- og ráðstefnuhúss. Þá var hún framkvæmdastjóri Samtaka sveitarfélaga á Vesturlandi og atvinnuráðgjafi hjá SSV-þróun og ráðgjöf.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir