Meirihluti stjórnenda í íslenskum fyrirtækjum og stofnunum sér fram á samdrátt í íslensku hagkerfi á næstu 12 mánuðum og um þriðjungur þeirra sér fram á fækkun starfsmanna. 11 prósent þeirra sjá fram á að hagkerfið dragist mikið saman en rúmlegur helmingur telur að hagkerfið muni dragast lítillega saman. Þetta kemur fram í nýrri stjórnendakönnun á vegum MMR.
Könnunin skoðaði viðhorf stjórnenda í íslenskum fyrirtækjum og stofnunum til horfa í íslensku hagkerfi og rekstrarumhverfis fyrirtækja og stofnana. Hún var framkvæmd dagana 29. maí til 6. júní 2019 og var heildarfjöldi svarenda 908 stjórnendur í íslenskum fyrirtækjum og stofnunum.
[adspot]Borið saman við viðhorf stjórnenda til horfa í rekstrarumhverfi íslenskra fyrirtækja í febrúar 2017 eru stjórnendur svartsýnni á efnahag landsins. Hlutfall stjórnenda sem sáu fram á aukna eftirspurn á vöru/þjónustu á næstu 12 mánuðum lækkaði um tæp 38 prósentustig milli mælinga en 32 prósent stjórnenda sáu nú fram á aukna eftirspurn samanborið við 70 prósent í síðustu mælingu, að því er kemur fram í rannsókninni.
Telja launakostnað munu aukast og starfsmönnum fækka
69 prósent stjórnenda búast við að launakostnaður muni aukast á næstu 12 mánuðum og 30 prósent þeirra sjá fram á fækkun starfsmanna. Við síðustu mælingu sáu 86 prósent stjórnenda fram á að hagkerfið myndi vaxa næstu 12 mánuðina miðað við 12 prósent núna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
stjórn
Athugasemdir