Fyrir fimm árum síðan þurfti ungur íraskur faðir, Ali Aljoubi, að bregða sér út af heimilinu til að kaupa í matinn fyrir fjölskyldu sína. Hann tók þriggja ára dóttur sína, Fatimu, með sér í leiðangurinn. Hann vissi eins og aðrir að hversdagsleg ferð eftir matvöru gæti verið hættuför en þannig var lífið sem hann þekkti í Bagdad í Írak. Feðginin voru óheppin. Einhver hafði komið fyrir sprengju, einmitt þar sem þau þurftu að sinna sínum erindum. Fatima varð fyrir sprengjunni og slasaðist alvarlega, missti bæði fingur og tær. Sú skelfilega lífsreynsla er ekki ástæðan fyrir því að feðginin finna sig nú hér uppi á Íslandi. „Þetta er eðlilegt fyrir okkur,“ segir Aljoubi, þegar hann segir þessa sögu af óförum dóttur sinnar, eins og í hálfgerðu framhjáhlaupi. Þau flúðu ekki heimaland sitt eftir þetta, heldur eftir lífshættulega skotárás sem beindist beint að þeirra fjölskyldu. Þess vegna eru þau nú hér á …
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir