Fyrri aukaspurning:
Myndin hér að ofan á að leiða huga ykkar að frægu tónverki. Hver samdi það tónverk?
***
Aðalspurningar:
1. Í hvaða borg er fótboltavöllur sem heitir eftir karli að nafni Santiago Bernabéu?
2. Hvaða líffæri heitir „cor“ á latínu?
3. Hvaða vinsæla hljómsveit sendi í fyrndinni frá sér tvöfalda plötu sem nefnd er Hvíta albúmið?
4. Í einu vinsælasta lagi Hvíta albúmsins fjallar söngvarinn á fjörlegan hátt um það þegar hann snýr aftur fljúgandi til ... hvaða ríkis?
5. Hversu mörg eru stig fellibylja?
6. Auglýsing Íslandsstofu þar sem snúið var á góðlátlegan hátt úr auglýsingu frá Facebook vakti mikla athygli. Í auglýsingunni vekur leikari athygli á „Iceland-verse“ þar sem grínast er með fyrirbæri sem forstjóri Facebook hafði kynnt með mikilli viðhöfn og sagði framtíð mannkynsins liggja í þessu fyrirbæri. Hvað kallaði forstjórinn það?
7. En hvaða íslenski leikari lék í auglýsingunni?
8. Í lok 12. aldar var oft grunnt á því góða milli Englendinga og Frakka en árið 1189 héldu konungar beggja þó í sameiginlegan leiðangur til að reyna að frelsa eina fræga borg úr klóm óvina sinna. Hvaða borg var það?
9. Nefnið að minnsta kosti annan konunganna tveggja með nafni.
10. En hvað hét foringi andstæðinganna sem héldu þessari borg? Sá þótti göfugur og prúður í meira lagi, svo meira að segja kóngarnir tveir, svarnir andstæðingar hans, báru fyrir honum fyllstu virðingu.
***
Seinni aukaspurning:
Af hverjum eða hverri er þessi mynd Halldórs Péturssonar — aðallega?
***
Svör við aðalspurningum:
1. Madrid.
2. Hjartað.
3. Bítlarnir.
4. Sovétríkjanna, öðru nafni U.S.S.R. Smellið á "Watch on YouTube".
5. Fimm.
6. Metaverse.
7. Jörundur Ragnarsson.
8. Jerúsalem.
9. Ríkarður ljónshjarta (konungur Englands) og Filippus ágæti (konungur Frakklands). Annað nafnið er sem sé nóg og þarf ekki viðurnefnin einu sinni!
10. Saladín.
***
Svör við aukaspurningum.
Efri myndin á að minna á frægan lokakafla forleiksins 1812.
Þar koma fallbyssur Napóleons-tímans koma mjög við sögu.
Verkið samdi Tsjækovskí.
Neðri myndin er aftur á móti af Grýlu.
Hún birtist á sínum tíma í Vísnabók einni víðfrægri.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir