Stóru tryggingafélög landsins, Sjóvá, VÍS og TM, munu samtals greiða hluthöfum sínum 5,1 milljarð króna í arð vegna afkomu síðasta árs. Þetta er tekið saman í Fréttablaðinu í dag.
Samanlagður hagnaður þessara þriggja félaga var 6,7 milljarðar króna.
Sjóvá hagnaðist um 2.690 milljónir króna í fyrra, sem er fjórum sinnum betri niðurstaða en árið á undan. Þá var hagnaðurinn 657 milljónir. Til stendur að greiða nær allan hagnaðinn, eða 2.600 milljónir, í arð til hluthafa.
TM hagnaðist um 2.597 milljónir í fyrra, sem er 230 milljónum minni hagnaður en árið á undan. Stjórnendur þar vilja greiða 1.500 milljónir króna í arð.
VÍS hagnaðist um 1.459 milljónir í fyrra, sem er 617 milljónum minna en í fyrra. Arðgreiðslur þar á bæ eru áætlaðar 1.023 milljónir króna.
Arðgreiðslurnar eru talsvert hógværari en í fyrra. Þá áætlaði VÍS að greiða hluthöfum sínum fimm milljarða í arð, sem var rúmlega tvöfaldur hagnaður félagsins fyrir árið. Sjóvá ætlaði að greiða 3,1 milljarð í arð og TM 1,5 milljarð. Áformin voru harlega gagnrýnd og á endanum lækkuðu bæði Sjóvá og VÍS arðgreiðslur sínar. Sjóvá greiddi 657 milljónir og VÍS 2,1 milljarð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
tryggingar
Tilboð tryggingafélaga til neytenda ekki í samræmi við eðlilega og heilbrigða viðskiptahætti
Áhrif á fjárfestingar Sjóvár verða neikvæð um 155 milljónir vegna GAMMA sjóðs
Óska eftir stjórnsýsluendurskoðun á starfsemi Tryggingastofnunar
Athugasemdir