Drónamyndband af stórri sprungu í grennd við Sýlingarfell á Reykjanesi sýndi reyk rjúka upp úr sprungunni af nokkrum krafti, tveimur dögum áður en gosinu var svo lokið.
Gosinu líklegast lokið en möguleiki á frekara hraunrennsli
Eldgosið á svæðinu hófst 29. maí síðastliðinn og varði í 24 daga en Veðurstofan lýsti því yfir að gosinu virtist vera lokið á laugardag. Þá sagði Veðurstofan að engin virkni hafi verið sjáanleg þegar Almannavarnir flugu dróna til athugunar. Órói á nálægum jarðskjálftamælum hafði dottið niður og væri sambærilegur því sem mældist áður en gos hófst.
„Enn má þó búast við í einhvern tíma að eldra hraun haldi áfram að streyma hægt meðfram Sýlingarfelli norðanverðu og við varnargarð L1 þar sem spýjur hafa runnið yfir.“
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Reykjaneseldar
„Yfirgnæfandi líkur“ á eldgosi á næstu þremur dögum
Þorvaldur Þórðarson eldfjallafræðingur segir yfirgnæfandi líkur á að það byrji að gjósa á Reykjanesskaga á næstu tveimur dögum. Hann segir að flest bendi til þess að „þakið muni rofna á svipuðum slóðum og áður“. Hann telur því ekki hættu á að það byrji innan Grindavíkur þó að hraun geti flætt þangað.
„Á virkilega að láta hóp Grindvíkinga sitja uppi með stórkostlegt tjón?“
Oddný G. Harðardóttir, þingkona Samfylkingarinnar, telur að ríkisstjórnin hafi ekki staðið við stóru orðin um aukinn stuðning við Grindvíkinga vegna náttúruhamfaranna í bænum.
Náttúran breytt eftir fimmta eldgosið
Þó að varnargarðarnir við Grindavík hafi komið í veg fyrir að hraun rynni inn í bæinn þegar gos braust út á miðvikudag, breytir hraunið umhverfinu til frambúðar. Fyrir því fundu æðarfuglar sem heimsóttu hraunið aftur og aftur í leit að því sem var horfið.
Hraunið gæti flætt yfir fjarskiptastöð Bandaríkjaflota
Benedikt G. Ófeigsson, jarðeðlisfræðingur og fagstjóri aflögunarmælinga hjá Veðurstofu Íslands, segir gríðarlegt magn hrauns flæða úr sprungunni sem opnaðist nærri Sundhnúkum norðan við Grindavík í dag. Dragi ekki úr flæðinu gæti flaumurinn flætt að varnargörðunum vestan við Grindavík og að fjarskiptastöð bandaríska flotans sem staðsett nálægt Grindavík.
Úlfar: „Við getum haft áhyggjur af innviðum“
Úlfar Lúðvíksson, lögreglustjóri á Suðurnesjum, segir ástæðu til að hafa áhyggjur af innviðum nálægt Grindavík – bænum sjálfum og einkum orkuverinu í Svartsengi. Ekkert er hægt að gera annað en að halda fólki frá og fylgjast með atburðinum.
Eldgos hafið og þrír neita að yfirgefa Grindavík
Eldgos er hafið nærri Sundhnúkum norðan við Grindavík. Neyðarstigi hefur verið lýst yfir og Grindavík rýmd. „Kvikugangurinn er að færast nær Grindavíkurbæ,“ segir í færslu almannavarna.
Athugasemdir