Fjölda­grafir á annað þús­und barna, sem fund­ist hafa við gamla heima­vist­ar­skóla í Kanada und­an­farnar vikur, varpa ljósi á skelfi­lega arf­leifð sem aldrei var gerð upp. Börn kanadískra frum­byggja voru tekin frá þeim með skipu­lögðum hætti og vistuð við oft hörmu­legar aðstæður þar sem menn­ing þeirra var barin úr þeim. Síðustu stofn­unum af þessu tagi var ekki lokað fyrr en 1996 og glæpir sem þar voru framdir eru enn að líta dags­ins ljós. 

Kerfið var form­lega kallað Canadian Indian Res­idential School System en í raun var um nauð­ung­ar­vistun að ræða. Því var komið á lagg­irnar undir lok 19. aldar með það að mark­miði að útrýma menn­ingu frum­byggja og aðlaga næstu kyn­slóðir þeirra að siðum hvíta manns­ins til að skapa betri sam­fé­lags­þegna. Var það meðal ann­ars gert með lík­am­legu ofbeldi og öðrum þving­unum. Þau sem töl­uðu sitt eigið tungu­mál eða reyndu að virða forn trú­ar­brögð sín voru ein­angruð og pyntuð til hlýðni. …