Kári Stefánsson segir ekkert að marka ríkisstjórnina

Það er ekk­ert að marka það sem núver­andi rík­is­stjórn segir um að hlúa að heil­brigð­is­kerf­inu og það sama má segja um margar þeirra sem á undan henni hafa setið. Rík­is­stjórnin segir einn dag­inn að ekki sé til fé til að setja 2,5 millj­arða króna í heil­brigð­is­kerfið en til­kynnir nokkrum dögum seinna að afgangur af rík­is­rekstri verði 300 millj­arðar króna. Þetta segir Kári Stef­áns­son, for­stjóri Íslenskrar erfða­grein­ingar, í

aðsendri grein í Morg­un­blað­inu

í morgun.

Kári hrinti fyrir nokkru af stað und­ir­skrifta­söfnun þar sem hann hvetur Íslend­inga til þess að styðja kröfu sína um að ell­efu pró­sentum af lands­fram­leiðslu verði árlega varið til heil­brigð­is­kerf­is­ins. Á meðal þeirra sem hafa tekið þátt í bar­áttu Kára með því að koma skila­boð­unum áleiðis í gegnum mynd­bönd sem birt eru á vefnum end­ur­reisn.is eru Styrmir Gunn­ars­son, fyrrum rit­stjóri Morg­un­blaðs­ins, Magnús Karl Magn­ús­son, pró­fessor og for­seti lækna­deildar Háskóla Íslands, og Tómas Guð­bjarts­son, pró­fessor og skurð­læknir. Alls hafa rúm­lega 55 þús­und manns skrifað undir áskorun Kára.

Segir stefnu ríkisstjórnarinnar samhljóða sinni

Kári segir í grein sinni í dag að þegar hann hafi hafið und­ir­skrifta­söfn­un­ina þá taldi hann sig frum­legan. „Það var svo fyrir nokkrum dögum að mér var bent á að krafan sem ég er að biðja lands­menn að skrifa undir er næstum sam­hljóða yfir­lýstri stefnu rík­is­stjórn­ar­innar. Sú stefna var sett saman sem hluti af samn­ingi rík­is­ins við lækna og var und­ir­rituð í des­em­ber 2014. Ég verð því að við­ur­kenna að ég var ein­fald­lega að apa eftir rík­is­stjórn­inni nema ég fylgi for­dæmi Newtons og haldi því fram að ég hafi verið fyrri til þótt ég hafi verið seinni til sem yrði að byggj­ast á því að tím­inn sé ekki línu­legur heldur hring­laga.

Nú gladdi það mig samt að kom­ast að því að rík­is­stjórnin hefði komið end­ur­reisn heil­brigð­is­kerf­is­ins á stefnu­skrá sína þótt það þýddi að ég hefði ekki verið eins frum­legur og ég hélt ég væri. Það gladdi mig hins vegar tölu­vert minna að kom­ast að raun um að það er ekki hægt að merkja það á gerðum rík­is­stjórn­ar­innar að hún meini nokkurn skap­aðan hlut með þessu."

Ekkert að marka ríkisstjórnina

Kári nefnir dæmi um mun­inn á því sem rík­is­stjórn Sig­mundar Davíðs Gunn­laugs­sonar segir og gerir í heil­brigð­is­málum sé hægt að sækja í gerð fjár­laga fyrir árið 2016. „Undir lokin var tek­ist á um það hvort það ætti að veita því fé til Land­spít­al­ans að það væri hægt að reka hann á svip­aðan máta og 2015, ekki bæta hann heldur halda í horf­inu. Það var tek­ist á um það hvort það ætti að reka hann í þeim lama­sessi sem hann var búinn að vera í um hríð eða láta honum hnigna enn meira. Það var mat þeirra sem stjórna sjúkra­hús­inu að það þyrfti 2,5 millj­arða króna í við­bót til þess að ná því mark­miði. Þegar málið kom á borð fjár­mála­ráð­herra féllst hann ekki á að bæta við meira en helm­ingi af upp­hæð­inni. Því var auð­vitað haldið fram að það væru ekki til pen­ingur fyrir meiru.

Nokkrum dögum eftir að fjár­lög voru sam­þykkt lét fjár­mála­ráð­herra hafa það eftir sér að það yrði 300 millj­arða króna afgangur af rík­is­fjár­málum fyrir árið 2016?

Það er sem sagt ekk­ert að marka það sem núver­andi rík­is­stjórn segir um vilja sinn til þess að hlúa að heil­brigð­is­kerf­inu og því miður hefði mátt segja hið sama um margar af þeim rík­is­stjórnum sem á undan henni þjón­uðu þessu landi."