Þessi færsla er meira en 9 ára gömul.
Verður Ólafur sigraður?
"Þetta er búið, úrslitin liggja fyrir," sagði góður greinandi við mig í morgun. Hann átti við úrslit forsetakosninganna í sumar.
En er það svo?
Er samanlagður fjöldi stuðningshópa Ólafs svo mikill að hann nái kjöri?
Og hverjir styðja Ólaf Ragnar? Augljóslega hlustendur Útvarps Sögu, og 99% framsóknarmanna. Spurningin er hversu stórir þessir hópar eru?
Ekki stórir að mínu mati.
En fleiri styðja Ólaf. Þeir sem ekki vilja breytingar á stjórnarskránni styðja Ólaf. Þeir sem vilja hvorki þjóðaratkvæðagreiðslu um aðildarviðræður eða inngöngu í ESB styðja Ólaf. Skagfirskir bændur sem tala illa um 101 lattelepjandi borgarbúa styðja Ólaf. Útlenskufóbíuliðið styðja Ólaf. Síðast en ekki síst fjöldi ungra kjósenda sem þekkja ekki annað en forsetakjölfestuna á Bessastöðum.
Þessa hópa má ekki vanmeta.
En þeir sem nú styðja EKKI Ólaf er Morgunblaðið og Davíð Oddson, frjálslyndi hluti Sjálfstæðisflokksins með Þorstein Pálsson í broddi fylkingar.
Svo auðvitað allt "vinstrapakkið".
Staðan gæti verið sú að hárjafnt verði milli fylkinga.
Þetta gæti ráðið úrslitum:
Hver verður umræðan í kosningabaráttunni, mun hún snúast um Ólaf eða eitthvað annað.
Hvað ef baráttan snúist um Nýja-Ísland og nýja stjórnarskrá? Hvort gamla elítan, eigi enn og aftur að stjórna landinu.
Kjörorð Ólafs er í raun: Forðumst óvissu framtíðar og kjósum fortíðina.
Kjörorð andstæðinganna ætti einfaldlega að vera: Kjósum til framtíðar!
Gamalt er ekki alltaf gott.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir