Flugfreyjur hafna „útspili“ Icelandair

Algjör ein­hugur er meðal félags­manna Flug­freyju­fé­lags Íslands um að hafna útspili Icelandair frá 10. maí „sem felur í sér tug­pró­senta launa­lækk­anir og skerð­ingu á rétt­indum til fram­búðar“.

Þetta kemur fram í til­kynn­ingu frá félag­inu. Þar segir enn­fremur að afstaða félags­manna hafi verið könnuð á fundi í dag og nið­ur­staðan hafi verið sú að félags­menn eru „með öllu mót­fallnir því að umturna gild­andi kjara­samn­ingi á einu bretti og fórna kjörum og rétt­indum sem tekið hefur ára­tugi að byggja upp“.

Flug­freyju­fé­lagið ítrekar samn­ings­vilja sinn um að koma til móts við Icelandair á meðan núver­andi ástand varir og er áfram til­búið til sam­tals um sann­gjarnar breyt­ingar á gild­andi kjara­samn­ingi.

Icelandair Group segir að með­al­laun flug­freyja fyrir fullt starf hafi numið 520 þús­und krónum í fyrra og yfir­flug­freyjur hafi verið að með­al­tali með 740 þús­und krónur á mán­uði fyrir fullt starf. Þetta kemur fram í svörum félags­ins við fyr­ir­spurn mbl.is.

Í svari Icelandair Group kemur einnig fram að dag­pen­ingar hafi að með­al­tali verið 140-145 þús­und krónur á mán­uði.

[links]Í til­kynn­ingu frá Flug­freyju­fé­lag­inu í morgun kom fram að félagið hafi allt frá því far­ald­ur­inn braust út leitað allra leiða til að koma til móts við Icelandair. Þar er bent á að flug­freyjur hafi verið án kjara­samn­ings í eitt og hálft ár og því ekki notið kjara­bóta ólíkt flestum á vinnu­mark­aði. Engu að síður hafi félagið boðið Icelandair til­slak­anir á kjara­samn­ingi félags­manna meðan mestu erf­ið­leik­arnir gangi yfir.

Félagið hafi um miðjan apríl lagt fram til­boð um lang­tíma­samn­ing sem hafi falið í sér veru­legar til­slak­anir, auk­inn sveigj­an­leika og lengri vinnu­tíma. Nú stilli Icelandair stétt­ar­fé­lög­unum upp við vegg og reyni að gera þau ábyrg fyrir stöð­unni.