Tímalínu framkvæmda við fyrstu lotu Borgarlínu seinkað

Tíma­á­ætl­anir fram­kvæmda vegna Borg­ar­línu hafa verið end­ur­skoð­aðar að und­an­förnu og nú miða áætl­anir við að fram­kvæmda­lok við fyrstu lotu verk­efn­is­ins verði tví­skipt og ljúki á árunum 2026 og 2027. Þetta kemur fram á vef borg­ar­línu­verk­efn­is­ins í dag.

Er skýrsla með frum­drögum fyrstu lot­unnar var kynnt í upp­hafi síð­asta árs var reiknað með því að hægt yrði að taka fyrstu borg­ar­línu­leið­irnar í notkun árið 2025, sam­hliða heild­stæðri inn­leið­ingu nýs leiða­nets Strætó. Áður hafði verið svo jafn­vel verið rætt um að fyrsta lotan gæti verið tekin í notkun árið fyrir árs­lok 2024. Tíma­lín­unni hefur því seinkað nokkuð frá því sem lagt var upp með.

Fram kemur í til­kynn­ingu á vef Borg­ar­línu að fyrstu fram­kvæmdir sem tengj­ast Borg­ar­línu hefj­ist í haust, þegar byrjað verður á land­fyll­ingu við brú yfir Fossvog. Tíma­á­ætl­unin gerir ráð fyrir því að brúin verði til­búin í lok árs 2024 og segir í til­kynn­ing­unni að vagnar Borg­ar­lín­unnar muni byrja að aka á milli Hamra­borg og Háskóla Íslands þegar árið 2025.

Þá verður fram­kvæmdum á þeim kafla leið­ar­innar þó ekki lokið, en upp­færðar áætl­anir miða við að fram­kvæmdum á milli Hamra­borgar og mið­borg­ar­innar verði lokið árið 2026 og að fram­kvæmdum á kafl­anum á milli Ártúns­höfða og mið­borg­ar­innar ljúki árið 2027.

Faraldurinn og Úkraínustríðið á meðal áhrifaþátta

Í til­kynn­ingu á vef Borg­ar­línu segir að „nokkur veiga­mikil atriði“ hafi haft áhrif á tíma­á­ætl­an­irnar. Í fyrsta lagi sé verk­efnið tækni­lega flókið og stilla þurfi ýmsa þætti þess saman með öðrum verk­efnum sam­göngusátt­mála höf­uð­borg­ar­svæð­is­ins sem fram undan eru eða eru þegar hafin.

[adspot]

Dæmi um slíkt verk­efni er til dæmis Sæbraut­ar­stokkur, en eins og Kjarninn sagði frá í síð­ustu viku gerir til­laga sem Vega­gerðin og Reykja­vík­ur­borg hafa lagt fram að fram­kvæmda­á­ætlun Sæbraut­ar­stokks ekki ráð fyrir því að því verki verði að fullu lokið fyrr en árið 2027. Borg­ar­lína á sam­kvæmt áætl­unum að aka ofan á stokknum er hann verður til­bú­inn og þvera þannig Sæbraut­ina.[links]

Í öðru lagi segir svo í til­kynn­ingu frá Borg­ar­línu að COVID-19 far­ald­ur­inn og stríðið í Úkraínu hafi haft áhrif á virð­is­keðjur.

Fram kemur í til­kynn­ing­unni á vef Borg­ar­línu að und­ir­bún­ingur við aðrar lotur Borg­ar­lín­unnar sé að hefj­ast og að sú vinna muni standa yfir fram á næsta ár. Fyrsta lota Borg­ar­lín­unnar er sú lengsta, eða um 14,5 km. „Aðrar lotur eru styttri og þær munu vinn­ast sam­hliða lotu eitt,“ segir í til­kynn­ingu Borg­ar­línu.