Eygló Ósk Gústafsdóttir varð í gær fyrsta íslenska sundkonan til þess að komast á verðlaunapall á stórmóti, þegar hún varð í þriðja sæti í 100 metra baksundi á Evrópumótinu í 25 metra laug. Hún sló dagsgamalt Íslandsmet sitt um tæpa sekúndu með því að synda á 57,42 sekúndum.
Árangur Eyglóar er sérlega glæsilegur, og tímamótaárangur í þeim skilningi, að þarna er sundkona að ryðja nýjar brautir þegar kemur að árangri kvenna á stórmóti í sundi.
Að baki miklum árangri í einstaklingsíþróttum eins og sundi eru þrotlausar æfingar þar sem aginn er þarfur þjónn í átt að sífellt bættum markmiðum. Árangur Eyglóar sýnir að allt er hægt, ef agi og hæfileikar fara saman.
Til hamingju Eygló!
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir