Samþykktu að fresta Brexit til 31. október

Th­eresa May, for­sæt­is­ráð­herra Bret­lands, sam­þykkti í nótt boð Evr­ópu­sam­bands­ins um að fresta Brexit til 31 októ­ber næst­kom­andi. Donald Tusk, for­seti leið­toga­ráðs Evr­ópu­sam­bands­ins, stað­festi þetta á Twitter í nótt. Frest­unin er sveigj­an­leg og því geta Bretar yfir­gefið sam­bandið fyrr náist sam­komu­lag um útgöng­una fyrir þann tíma. Frá þessu er greint á vef BBC.

Stendur til boða að yfirgefa sambandið fyrr

Leið­togar aðild­ar­ríkja Evr­ópu­sam­bands­ins fund­uðu í Brussel í gær til að ákveða mögu­lega fram­leng­ingu á frestun Brexit. Til stóð að Bretar yfir­gæfu Evr­ópu­sam­band­inu á föstu­dag­inn næst­kom­andi og þá án samn­ings. Theresa May, for­sæt­is­ráð­herra Bret­lands, fund­aði með leið­tog­unum síð­degis en hennar til­laga var að fresta útgöng­unni til 30 júní. Margir leið­tog­anna töldu þann frest ekki nægan og var talað um að frest­ur­inn yrði allt að ár. Donald Tusk til­kynnti síðan seint í gær­kvöld Bretum væri boðið sex mán­aða við­bótar­frestur.

Th­eresa May sam­þykk­ti ­frest­inn en sagði í kjöl­farið á blaða­manna­fundi að Bretland myndi stefna að því að yfir­gefa sam­bandið sem allra fyrst. Sveigj­an­leiki frest­un­ar­innar býður upp á þann mögu­leika að Bretar geti gengið úr sam­band­inu fyrir 1. júní ef breska þingið sam­þykkir útgöngu­leið á fyrstu þremur vikum maí­mán­aðar.

Bretland verður að taka þátt í kosningum til Evrópuþings eða yfirgefa sambandið fyrir 1. júní

Donald Tusk sagði á blaða­manna­fundi í Brussel í nótt að fram­haldið væri nú í höndum Breta. Bretar gætu enn stað­fest samn­ing­inn sem þingið hefur nú þegar hafnað þrisvar og þannig yfir­gefið sam­bandið. Hann sagði Breta jafn­framt geta fundið aðrar leiðir eða dregið ákvörðun sína um útgöng­una til baka. Bretar geta þó ekki breytt samn­ingnum um úrgöng­una.

Tusk sagði jafn­framt fram­leng­ingin væri eins sveigj­an­leg og hann hafði átt von á en þó styttri en hann bjóst við. Að hans mati ætti hún þó að duga til að kom­ast að bestu mögu­legu lausn. Hann beindi að lokum þeim orðum til bresku þjóð­ar­innar að „vin­sam­leg­ast ekki láta þennan tíma fara til spillis.“

Samkvæmt umfjöllun BBC verður Bretland að taka þátt í kosn­ingum til Evr­ópu­þings eða að öðrum kosti yfir­gefa sam­bandið þann 1. júní næst­kom­andi. Jean Claude Juncker, for­seti fram­kvæmda­stjórnar Evr­ópu­sam­bands­ins, sagði að þó það gæti þótt undra­legt að Bretar taki þátt í kosn­ingum þá yrði að virða evr­ópsk lög.