Það er óhætt að segja, að gleðileg tíðindi séu í því fólgin, að losun hafta sé nú að komast á framkvæmdastig, með miklum ávinningi fyrir ríkissjóð. Um 900 milljarða vandi mun umbreytast til góðs, fyrir íslenskan almenning, einstaklinga og fyrirtæki.
Eitt sem hefur verið gleðilegt að sjá, í kjölfar þess að áformin voru kynnt, er að stjórnmálamenn, hvar í flokki sem þeir standa, virðast tilbúnir að vinna saman að því að leysa úr vandanum á þeim grunni sem stjórnvöld hafa nú kynnt. Það er ekki svo oft sem það gerist, en nú virðist von um það. Því ber að fagna, því það eykur líkurnar á að farsæl niðurstaða fáist í þessi mál, eins og útlit er fyrir að geti orðið raunin.
Stjórnvöld og seðlabankinn, auk ráðgjafa sem hafa komið að málinu, eiga hrós skilið fyrir að vinna að farsælli lausn á þessum mikla vanda sem hefur hangið yfir hagkerfinu frá hruni þess haustið 2008, þó nú sé framkvæmdin eftir. Það eykur tiltrú á stjórnmálamönnum þegar þeir eru tilbúnir að vinna með sérfræðingum og standa saman um góð mál.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir