Barack Obama, forseti Bandaríkjanna, hélt sína síðustu stefnuræðu í fyrrakvöld og eyddi miklu púðri í að gera grein fyrir sjónarmiðum sínum er tengjast innflytjendamálum.
Hann sagði að Bandaríkin væru innflytjendaþjóð, og virðing fyrir innflytjendum væri Bandaríkjamönnum í blóð borin. Grundvallaratriði væri að bera virðingu fyrir fólki óháð litarhætti, trú eða stöðu í samfélaginu. Hugmyndir um annað, eins og að loka á komu múslima til landsins eða takmarka frelsi þeirra umfram aðra trúarhópa, væru ekki í takt við þessi gildi.
Uppskar hann einróma lófaklapp frá bæði Demókrötum og Repúblikönum. Augljóst var að hann beindi spjótum sínum að hinum fordómafulla Donald Trump, sem sækist eftir útnefningu Repúblikana í forsetakosningunum síðar á árinu.
Þetta eru góð skilaboð hjá Obama, sem eiga erindi hvert sem litið er. Baráttan gegn fordómunum er endalaus.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir