Reykjanesbær hefur gengið í gegnum mikla erfiðleika á undanförnum árum og má í raun rekja erfiðleika til þess, þegar herinn fór með skömmum fyrirvara árið 2006. Þá var stoðunum kippt undan atvinnu hjá mörgum í bænum og raunar á Suðurnesjum öllum.
Efnahagshrunið 2008 kom einnig illa niður á Reykjanesbæ og raunar Suðurnesjum öllum.
Þó ekki sjái enn fyrir endann á slæmri rekstrarstöðu Reykjanesbæjar, þá er fullt tilefni til þess að gefa jákvæðum þáttum gaum. Atvinnuástand hefur farið batnandi að undanförnu. Árið 2010 fór atvinnuleysi hæst í 13,1 prósent en það mælist nú 4,1 prósent.
Kjartan Már Kjartansson bæjarstjóri Reykjanesbæjar sagði í viðtali við RÚV að víða vantaði fólk í vinnu á svæðinu, og öllu léttara væri yfir bæjarbragnum en verið hefur undanfarin ár.
Þetta er jákvætt, og vonandi halda áfram að berast jákvæð tíðindi frá þessu svæði.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir