Ég er frumkvöðull og hugsuður og hef óbeit á leyndarmálum og afneitun. Ég er talnanörd fram í fingurgóma. Ég elska tölur og mynstur og stofnaði Clever Data, hugsjónafyrirtæki á upplýsinga- og gagnamarkaði, í kringum það áhugamál. Að mínu mati er lausn vandamála fólgin í smáatriðunum. Nákvæm, fordómalaus talning á öllu því sem fyrir augu ber, er heiðarlegasta leiðin til að afhjúpa félagsleg fyrirbæri, hvort sem um ræðir spillingu og blekkingu eða mannkærleika í sinni tærustu mynd. Þetta blogg mun fjalla um fólk og lygar, sjálfsblekkingu og afneitun, vald og valdleysi, sjúkdóma, heilsu, líf og dauða. Ég mun nálgast þessi málefni á óhefðbundinn máta, og oft í andstöðu við ríkjandi viðhorf og gildi.