Í síðustu viku sagði Sigmundur Davíð Gunnlaugsson forsætisráðherra í þættinum Sprengisandi að til greina kæmi að hækka skatta ef samið yrði um launahækkanir í kjaraviðræðum sem ógna stöðugleika. Skattahækkanir væru vopn til að bregðast við aukinni þenslu og verðbólgu. Ef horft væri fram á verulega verðbólgu þyrfti að bæta kjör öryrkja og auka bætur í samræmi við verðlagsþróun.
Í þessari viku kynnti ríkisstjórnin hins vegar áform sín um skattalækkanir. Skattalækkunin kemur einmitt ofan í miklar launahækkanir sem samið var um í kjarasamningum í gær. Már Guðmundsson seðlabankastjóri sagði í gærkvöldi að teflt væri á allra tæpasta vað með samningunum, og verulega auknar líkur væru á vaxandi verðbólgu. Allar hinar aðgerðir ríkisstjórnarinnar eru svo ekki beint líklegar til að draga úr þessari þróun. Pæling dagsins er því þessi: hvað þarf eiginlega að gerast til þess að stjórnvöld telji að kjarasamningar og aðrar aðgerðir ógni stöðugleika?
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir