Athyglisvert var heyra sjónarmið Hilmars Snorrasonar, skólastjóra Slysavarnaskóla sjómanna, í viðtali við Kastljósið, þar sem hann ræddi um öryggismál sjómanna. Hann sagði að passa þyrfti sérstaklega að „gleyma sér ekki í unnum sigrum“ en slysum á sjó hefur fækkað nokkuð á undanförnum árum, frá því sem áður var.
Í þrígang frá árinu 2008 hefur sjómönnum tekist að komast í gegnum heilt ár án banaslysa, og sagði Hilmar það vera stærstu stundir Slysavarnaskólans, en hann fagnar þrjátíu ára afmæli um þessar mundir.
Fækkun banaslysa og alvarlegra slysa á sjó er eitt af þeim málum, sem ekki oft eru í opinberri umræðu, en eru samt til vitnis um merkilegt starf og árangur sem náðst hefur með samhentu átaki sjómanna, björgunaraðila, útgerða og annarra, sem tengjast björunar- og forvarnarstarfi á sjó.
Slysavarnaskólanum eru færðar afmæliskveðjur, með von um að hans góða starf haldi áfram að skila miklum samfélagslegum árangri.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir