Eins og áður hefur verið vikið að á þessum vettvangi, er mikilvægt fyrir Ísland að fylgjast náið með gangi mála þegar kemur að mengun í hafinu. Ísland á mikið undir því að hafið sé hreint og lífræki ekki ógnað.
Eitt af því sem nauðsynlegt er að rannsaka betur eru áhrif hlýnunar jarðar af mannavöldum á náttúrulega þróun í hafinu. Haraldur Sigurðsson, prófessor, gerði þetta að umtalsefni á góðri bloggsíðu sinni í nótt, og velti þar fyrir sér dæmum erlendis frá, einkum frá Norður-Ameríku, þar sem þorskstofnar hafa hrunið sums staðar. Fræðimenn telja að breyting á hitastigi í hafinu sé að hafa mikil áhrif á þróun mála. Haraldur spyr í lok færslunnar; hvaða áhrif hefur hraðvaxandi hnattræn hlýnun á þorskstofna Íslendinga?
Það er vissara að gefa þessu gaum hér, og styrkja sjálfstæðar rannsóknir eins mikið og myndarlega og hægt er.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir