Aðfaranótt 10. september 2005 steytti skemmtibáturinn Harpa á Skarfaskeri á Viðeyjarsundi á mikilli ferð. Fimm manns voru í bátnum og létust tveir farþeganna í slysinu, þau Friðrik Hermannsson og Matthildur Harðardóttir. Við stýri bátsins stóð eigandi hans, Jónas Garðarsson, sem þá var formaður Sjómannafélags Reykjavíkur og nú formaður sama félags, sem heitir í dag Sjómannafélag Íslands. Jónas var drukkinn við stýrið. Hann gerði ekki ráðstafanir til að bjarga farþegum bátsins, þar á meðal konu sinni og barni, og olli það aðgerðarleysi hans dauða Matthildar, samkvæmt dómi yfir honum. Við réttarhöld vegna málsins reyndi Jónas að koma ábyrgð á slysinu yfir á Matthildi, sem héraðsdómur kallaði „óskaplegt tiltæki“. Jónas greiddi aðstandendum þeirra Friðriks og Matthildar aldrei þær bætur sem hann var dæmdur til að greiða.

Veistu meira? Láttu okkur vita
Það tókst ekki að sækja formið. Reyndu aftur eftir augnablik.






















Athugasemdir