Pressa
Pressa #9

Pressa #9: Sundr­ung vegna út­lend­inga­mála

Innflytjendur segjast margir hverjir slegnir yfir því sem fólk hefur skrifað á samfélagsmiðla og víðar um útlendinga í kjölfar færslu utanríkisráðherra um tjaldbúðir á Austurvelli sem hann sagði vera hörmung. Herða þurfi reglur um hælisleitendamál. Við ræðum um óróleika og sundrung í samfélaginu sem hefur afhjúpast í vikunni. Við tölum einnig um ástandið í Palestínu og viðbrögð eða viðbragðaleysi yfirvalda við því og aukinn straum flóttafólks í heiminum en talið er að í lok þessa árs verði 131 milljón á flótta.
· Umsjón: Margrét Marteinsdóttir

Lenya Rún Taha Karim, varaþingkona Pírata og Vigdís Häsler, framkvæmdastjóri Bændasamtakanna, verða í Pressu í dag en þær hafa ítrekað orðið fyrir fordómum vegna uppruna síns og hafa áhyggjur af aukinni hörku í garð útlendinga á Íslandi, sérstaklega þeirri sem þær segja að beinist nú að flóttafólki og hælisleitendum.

Í þáttinn koma einnig þær Diljá Mist Einarsdóttir, þingkona Sjálfstæðisflokksins og formaður utanríkismálanefndar Alþingis, og Guðrún Margrét Guðmundsdóttir, sérfræðingur hjá ASÍ í málefnum innflytjenda og flóttafólks á vinnumarkaði.

Þá verður birt brot úr viðtali Heimildarinnar við Jasminu Vajzović. Þar bregst hún við umdeildri færslu Bjarna Benediktssonar utanríkisráðherra á Facebook. Jasmina, sem fyrir 27 árum neyddist til að flýja stríðsástand í Bosníu og Hersegóvínu, segir málflutning utanríkisráðherra stórhættulegan. 

Athugasemdir (3)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Pressa #14

Pressa #14: Saga Ívars og sam­keppn­is­mál í Pressu

Leiðarar #44

Leið­ari: Sprengja 412 manns inn­viði?

Anatomy of a fall
Paradísarheimt #1

Anatomy of a fall

Ryð
Bíó Tvíó #248

Ryð