Mynd dagsins - Heimildin

Útlit viðmóts

Ljóst

Dökkt

© 2026 Sameinaða útgáfufélagið ehf. Allur réttur áskilinn. Notkun á efni miðilsins er óheimil án samþykkis.

« Síðasta síða Síða 13 af 14 Næsta síða »

Mynd dagsins

Elvis lifir

Elvis lifir að því er virðist góðu lífi á Raufarhöfn, nyrsta þorpi landsins. Þarna norður undir heimskautsbaug búa 153 manns í miklum rólegheitum. En fyrir rúmri hálfri öld voru íbúarnir nær 600, enda annar stærsti síldarbær landsins á eftir Siglufirði. Síldin hvarf 1967.

Mynd dagsins

Tíu stig

Tíu stig fær útsýnið af Hegranesinu í átt að Óslandshlíðarfjalli og Lundey. Sami stigafjöldi og hitastigið í Skagafirði í hádeginu í dag. Spáð er jafnvel en hlýrra veðri á morgun fyrir norðan.

Mynd dagsins

Bílasala

Bílasala til einstaklinga hefur aukist um 2% á fyrstu tíu mánuðum ársins. Sextíu prósent af þeim 4.400 bifreiðum sem hafa selst eru svokallaðir nýorkubílar. Á sama tíma í fyrra voru þeir 25% seldra ökutækja. Auðvitað kemur þetta niður á olíufélögunum en samdráttur hjá þeim í sumar var um þriðjungur. Að hluta til má auðvitað rekja það til þess að mun færri erlendir ferðamenn lögðu hér land undir fót.

Mynd dagsins

Ein af 4.481

Alba er ein af þeim 4.481 Íslendingum, fæddum 2014, sem hófu skólagöngu nú í haust. Hún lærir ekki bara stafrófið heldur líka að reikna hvað 2 metrar eru langir. Það reikningsdæmi er ansi flókið – mjög margir fullorðnir falla á því prófi daglega. Grímunotkun og handþvottur eru spennandi fög sem koma ný inn á þessu skólaári og á meðan eru íþróttir felldar út úr námskrá, þó tímabundið.

Mynd dagsins

Síðasti Geirfuglinn

Síðasti Geirfuglinn horfir frá ströndinni undir Valahnjúk í átt að Eldey, þar sem sá síðasti í heiminum var drepinn fyrir 176 árum. Bronsstyttan er eftir bandaríska listamanninn Tod McGrain, sem hefur undanfarin ár unnið að gerð skúlptúra af útdauðum fuglum, til að minna á sameiginlega ábyrgð okkar allra á náttúru og umhverfisvernd.

Mynd dagsins

Vegur 360

Vegur 360 liggur frá Þrísteinaholti norðan við Heiðarbæ, með vestanverðu Þingvallavatni og endar við Írafossstöð í Soginu. Falleg og alltof fáfarin leið, þrátt fyrir að vera í túnfæti höfuðborgarinnar.

Mynd dagsins

Skreið alla leið til Nígeríu

Útflutningur okkar til þessa fjölmennasta ríki Afríku nam á síðasta ári um 7 milljörðum króna. Mest var flutt út af þorskhausum, en magnið af hausum í fyrra var 11.208.598 í kílóum talið. En samkvæmt fjárlagafrumvarpinu í ár, eru 7 milljarðar það sama og kostar íslenska ríkið að mennta 3.900 menntaskólanema á ári. Já og myndin, þorskauga á þorskhaus í þurkun.

Mynd dagsins

Leifur í morgunroða

Leifur í morgunroða, en það er gömul þjóðtrú að morgunroðinn væti en kvöldröðinn bæti, en þurrkur er talinn til bóta. En styttan af þessum Dalamanni sem var fæddur um 980, var gefin okkur af Bandaríkjamönnum í tilefni Alþingishátíðarinnar fyrir 90 árum. Höfundur styttunar er Alexander Stirling Calder, sem vann samkeppni um að endurskapa Leif árið 1929, til að gefa okkur ári síðar.

Mynd dagsins

Aðeins 2 flug

Aðeins 2 flug fóru í dag frá Keflavíkurflugvelli. Icelandair flaug snemma í morgun til Kaupmannahafnar, en seinna flugið var undir hádegi til Lundúna, með British Airways. Flugferðum til og frá landinu á eftir að fækka enn meir, því bæði easyJet og British Airways hætta að fljúga hingað nú um mánaðamótin. Í síðasta mánuði flugu 28.317 um Keflavík, samanborið við 646.415 farþega í sama mánuði í fyrra.

Mynd dagsins

BRÍET

BRÍET sagði þegar ég hitti hana að það væri svo óraunverulegt, jafnframt ótrúlega skemmtilegt að eiga öll tíu efstu lögin á íslenska Spotify listanum nú í vikunni. Þessi glaðlegi tónlistarmaður var einmitt að gefa út sína fyrstu breiðskífu, KVEÐJA, BRÍET, fyrir aðeins örfáum dögum. Hennar fyrstu í fullri lengd.

Mynd dagsins

Unnur Anna Valdimarsdóttir

Unnur Anna Valdimarsdóttir prófessor í faraldsfræði við Háskóla Íslands, fer fyrir hóp sem var að fá rannsóknarstyrk frá NordForsk, vegna verkefnisins, þróun geðheilsu í áhættuhópum fimm landa í heimsfaraldri COVID-19. Og ekki veitir af, erum við ekki öll að fá smá þunglindi yfir þessum faraldri og áhrif hans, á daglegt líf okkar.

Mynd dagsins

Druslur ganga áfram

Netpartar, ungt fyrirtæki á Selfossi í eigu Aðalheiðar Jacobsen, fékk fyrir fáum dögum verðlaun frá Forseta Íslands fyrir framtak ársins á sviði umhverfismála. Netpartar rífa niður nýjar og gamlar druslur, sem síðan fá nýtanleg hlutverk í hringrásarkerfinu. Eins og vélin í þessum föngulega Renault sem tekur á móti manni í innkeyrslunni.

« Síðasta síða Síða 13 af 14 Næsta síða »