„Ég treysti Íslendingum ekki lengur“

„Ég var hrædd um að hann myndi sparka mér út og ég myndi ekki hafa neinn stað til að fara á og enga vini eða ætt­ingja til að leita til,“ segir hin 36 ára Sara Qujakitsoq. Á tíma­bil­inu 18. maí til 21. júlí á þessu ári vann hún á Hnjót Guesthouse, gisti­heim­ili á Vest­fjörðum. Hún vann frá morgni til nætur, en fékk aðeins 270.305 krónur útborg­aðar fyrir vinn­una á tíma­bil­inu. Eigandi Hnjóts segir að ekk­ert óeðli­legt hafi farið fram, að Sara hafi ekki verið með neina vinnu­skyldu og hafi getað ráð­stafað tíma sínum sjálf.

Sara er frá Qaanaaq, á Norður-Græn­landi, en flutti til Nuuk árið 2013 í leit að tæki­færum. Þegar hún heyrði að vinur sinn hafi afþakkað sum­ar­starf hjá íslenskum bónda sem væri mik­ill Græn­lands­vinur hafði hún sam­band við hann. Bóndinn heitir Kristinn Þór Egilsson og rekur meðal ann­ars Hnjót Guesthouse. Þegar hún heyrði frá öðrum kunn­ingja sem …