„Fólki er refsað fyrir að flýja stríðs­á­tök og reyna að koma sér og ást­vinum sínum í skjól. Skila­boðin til þeirra frá umheim­inum eru skýr: það er ekki pláss fyrir ykkur í „okkar“ heimi!“ segir kanadískur læknir sem hefur starfað í Moria-flótta­manna­búð­unum í Lesbos. 

Hinn 27. febr­úar síð­ast­lið­inn til­kynntu tyrk­nesk stjórn­völd að þau ætl­uðu ekki lengur að hefta för flótta­fólks sem vill kom­ast til Evrópu en landa­mærin hafa verið lokuð í fjögur ár. Um þrjár og hálf milljón flótta­manna frá Sýrlandi eru í Tyrk­landi. Sama dag og landa­mærin voru opnuð þyrpt­ist flótta­fólk í þús­unda­tali að landa­mær­unum til að reyna að kom­ast yfir til Grikk­lands. Stefnan er tekin á Evrópu þar sem flest fólkið vill kom­ast í skjól eftir ára­langa nauð­ung­ar­vist í óhrjá­legum búðum í Tyrk­landi. En í Grikk­landi hefur þeim verið mætt af mik­illi hörku síð­ustu vikur.  Þung­vopn­aðir grískir landamæra­verðir hafa sprautað táragasi yfir fólk og hafa svarað grjót­kasti flótta­fólks með …