Gestur þáttarins er Sigurjón Baldur Hafsteinsson, prófessor í safnafræði við Háskóla Íslands. Sigurjón segir frá bakgrunni sínum í sjónrænni mannfræði og hvað leiddi hann svo inn á slóðir safna. Þá segir hann einnig frá stofnun safnafræðinnar sem námsleiðar við Háskóla Íslands og hvað er kennt þar.

Sigurjón hefur komið víða við í rannsóknum sínum en hér talar hann sérstaklega um rannsóknir sínar í tengslum við Reðursafnið. Þar hefur hann nú síðast verið að glöggva sig á merkingu gestabóka safnsins, þar sem fólk tjáir sig með allskonar hætti um æxlunarfæri karlkyns spendýra. Sigurjón hefur einnig rannsakað torfbæinn frá ýmsum hliðum og hér segir hann frá menningarlegu samhengi þessa arkitektúrs og hvers vegna hann varð undir í nútímavæðingu Íslands. Sigurjón ræðir um hvað fór forgörðum þegar torfbæirnir hurfu og hvers vegna það torfbærinn hefur fengið á sig svo harðan dóm sem húsakostur fyrri kynslóða.