Bryn­dís Gunn­laugs­dótt­ir, stjórn­ar­mað­ur fyr­ir hönd Sam­band ís­lenskra sveit­ar­fé­laga, og Hlíð­ar Þór Hreins­son, stjórn­ar­mað­ur fyr­ir hönd Fé­lags at­vinnu­rek­anda og fram­kvæmda­stjóri Heim­ilis­tækja, hafa sagt af sér úr stjórn Úr­vinnslu­sjóðs. Rík­is­end­ur­skoð­un er nú að rann­saka sjóð­inn.

Stjórn­end­ur Úr­vinnslu­sjóðs hafa ekki svar­að því af hverju ekki var brugð­ist við fyrr vegna þess mikla magns plasts sem hef­ur leg­ið óhreyft í um fimm ár í Sví­þjóð. Stjórn sjóðs­ins hef­ur haft vitn­eskju um mál­ið í meira en ár og hef­ur það ver­ið til um­ræðu á fund­um henn­ar.

Stjórn Úr­vinnslu­sjóðs sendi frá sér bréf í gær þar sem sjóð­ur­inn ósk­ar eft­ir því að Sw­erec fjar­lægi ís­lenska plast­ið úr vöru­hús­inu í Sví­þjóð. Í bréf­inu seg­ir að frétta­flutn­ing­ur Stund­ar­inn­ar síð­ustu viku hafi kom­ið stjórn sjóðs­ins al­gjör­lega á óvart, þrátt fyr­ir að sjóð­ur­inn hafi haft vitn­eskju um plast­ið í meira en ár.

Magnús Jó­hann­es­son, stjórn­ar­formað­ur Úr­vinnslu­sjóðs, tel­ur enga þörf á frek­ari rann­sókn­um vegna þess mikla magns plasts sem Stund­in fann í vöru­húsi í Suð­ur-Sví­þjóð. Hann seg­ir nýja eig­end­ur komna að Sw­erec, þótt fram­kvæmda­stjóri fyr­ir­tæk­is­ins segi svo ekki vera. Úr­vinnslu­sjóð­ur að­hafð­ist ekk­ert í meira en ár eft­ir að greint var frá ís­lenska plast­haugn­um. Sjóð­ur­inn er nú til rann­sókn­ar.

Stað­fest er að Úr­vinnslu­sjóð­ur, sem hef­ur það hlut­verk að fram­fylgja end­ur­vinnslu á Ís­landi, vissi í meira en ár af miklu magni af ís­lensku plasti sem var aldrei end­urunn­ið af sænska fyr­ir­tæk­inu Sw­erec þrátt fyr­ir að greitt hefði ver­ið fyr­ir það. Stund­in greindi frá plast­inu í októ­ber 2020, um­fjöll­un­in var rædd á stjórn­ar­fundi og stjórn sjóðs­ins fagn­aði um­fjöll­un Stund­ar­inn­ar, án þess þó að að­haf­ast vegna plasts­ins.

„Það er mik­il­vægt fyr­ir traust fólks á þessu kerfi að svona hlut­ir komi ekki upp; að kerf­ið virki ekki eins og það á að gera,“ seg­ir Ólaf­ur Stephen­sen, fram­kvæmda­stjóri Fé­lags at­vinnu­rek­enda. Fé­lag­ið skip­ar einn af sjö stjórn­ar­mönn­um Úr­vinnslu­sjóðs.