Samfélag

4. desember 2016 Hugi Ingi­bjarts­son stóð frammi fyrir þeirri spurn­ingu hvort hann ætti að fá for­ræði yfir dóttur sinni og ala hana upp sem ein­stæður faðir eða gefa hana alfarið frá sér. Hann ákvað að gefa hana í trausti þess að hjá fóst­ur­for­eldrum myndi hún eign­ast betra líf en hann gæti gefið henni. Hann var hins vegar ekki til­bú­inn til þess að afsala sér föð­ur­hlut­verk­inu og stóð í þeirri trú að hann gæti haldið umgengni við dóttur sína. Hann seg­ist hafa verið svik­inn um það, þegar hann fær aðeins að taka hana tvisvar í mán­uði, fimm tíma í senn. Nú vill hann fá hana aftur.

4. desember 2016 Hugrún Sig­ur­jóns­dóttir hafði verið full­vissuð af lækni að hún væri komin á aldur þegar hún varð óvart ólétt 45 ára gömul. Hún ákvað að eign­ast barnið, en eftir erf­iða með­göngu, erf­iða fæð­ingu og stöðugan grátur í marga mán­uði, gafst hún upp og gaf barnið frá sér til fólks sem hafði lengi þráð að eign­ast barn. Hún hefur aldrei séð eftir því.

26. nóvember 2016 Átta ára gömul var hún hætt að gráta og trúa á Guð. Þrett­ánda ald­ursárið er henni horfið. Það var þá sem faðir hennar lok­aði hana af niðri í kjall­ara og mis­þyrmdi í þrjá sól­ar­hringa. Árið 2005 steig Thelma Ásdís­ar­dóttir fram og sagði frá því hvernig faðir hennar gerði hana út í skipu­lögðu barna­vændi. Enn eru að birt­ast henni gamlar og áður grafnar minn­ingar, sem hún segir nú frá í fyrsta sinn.

20. nóvember 2016 Hann er einn af þeim sem hefur náð alla leið, er heims­þekktur í sínu fagi, með gull, silfur og brons í fartesk­inu og orðu frá for­set­anum. Hann er alinn upp sem sig­ur­veg­ari og gerir allt til þess að ná árangri. Hann þekkir líka það slæma við að vera á toppnum. „Að vera í þess­ari stöðu sem ég er í, það er mjög kalt þar, það blæs um þig og það er mjög ein­mana­legt.“ Guð­mundur Guð­munds­son segir frá lær­dómum fer­ils­ins, hvað þarf til að ná árangri og mik­il­vægi þess að ástunda hrein­skiptin sam­skipti, í heimi þar sem heið­ar­leiki virð­ist vera á und­an­haldi.