Fólkið í framlínunni

Amy Mitchell vinnur sem hjúkr­un­ar­fræð­ingur í Victoria British Columbia í Kanada. Spít­al­inn sem hún vinnur á, The Royal Jubilee Hospital, er annar af tveimur á Vancouver Island sem sinnir COVID-19 sjúk­lingum. Amy vinnur á hjarta­deild­inni, þar sem ástand sjúk­linga er nógu stöðugt til að þeir þurfi ekki að vera á gjör­gæslu, en ekki nógu stöðugt til að bíða heima eftir þvi að kom­ast í aðgerð. Eftir að COVID-19 far­ald­ur­inn hófst sér deildin núna um alla sem eru með stað­fest og grunað smit og þurfa að vera undir hjarta­eft­ir­liti. Þegar þetta er ritað hafa 38 ein­stak­lingar lát­ist úr nýju kór­óna­veirunni á svæð­inu.

Evie Quinn vinnur á sér­hæfðum barna­spít­ala í London, höf­uð­borg Bret­lands. Þegar þetta er ritað hafa 42 þús­und stað­fest smit verið greind í Bret­landi og tala lát­inna er á fimmta þús­und.

Ólíkt stríðum og nátt­úru­ham­förum, sem oft­ast eru stað­bundnar hörm­ungar í afmörk­uðum heims­hlutum, hefur COVID-19 sam­einað mann­kynið sem glímir alls staðar við sama sjúk­dóm­inn og afleið­ing­arnar sem hann hefur á sam­fé­lagið. Lýsingar heil­brigð­is­starfs­fólks um allan heim eru þær sömu, frá­sagnir af ringul­reið, skorti á hlífð­ar­bún­aði og fár­veikum sjúk­lingum en líka af náunga­kær­leik, dugn­aði og sam­stöðu.

Anna Lind Krist­jáns­dóttir er íslenskur skurð­læknir sem starfar á sjúkra­hús­inu í Uppsala í Svíþjóð, í 70 km fjar­lægð frá höf­uð­borg­inni þar sem flest kór­óna­veirusmit hafa greinst.