Greinar

5. september 2023 Á síð­asta ári var orku­skortur „far­inn að bíta svo hressi­lega“ að Lands­virkjun gat ekki selt meiri for­gangsorku. „Sú staða er óbreytt,“ segir upp­lýs­inga­full­trúi fyr­ir­tæk­is­ins. Í sumar var samið við gagna­ver um 5 MW af for­gangsorku.

5. september 2023 Fyrr­ver­andi for­stjóri Skipu­lags­stofn­unar telur að Kópa­vogs­bær hafi ekki unnið nægi­lega grunn­vinnu í aðdrag­anda þess að reitir á Kársnesi fóru á deiliskipu­lags­stig. Ásdís Hlökk Theo­dórs­dóttir, aðjunkt í skipu­lags­fræði við HÍ, segir að bær­inn hafi ekki verið í stöðu til að setja skýra umgjörð um þær for­sendur sem gilt hafi á hverjum og einum upp­bygg­ing­ar­reit. „Við viljum ekki að bygg­inga­geir­inn bara valsi frjáls,“ segir hún við Heim­ild­ina.

5. september 2023 Í sumar hefur því verið haldið fram, m.a. af ráð­herra, að „góðar líkur“ séu á því að raf­magns­bílar á Vest­fjörðum séu hlaðnir með raf­magni fram­leiddu úr olíu. Orku­stofnun reikn­aði út fyrir Heim­ild­ina að dísilknúnu raf­bíl­arnir hafi verið mjög fáir enda fór lang­mest af þeirri olíu sem notuð var á vara­afls­stöðvar til hús­hit­unar.

5. september 2023 Íslenskur banka­maður, Karl Kon­ráðs­son, er sagður hafa keypt helm­ings­hlut í úkra­ínsku orku­fyr­ir­tæki nýverið af Aleksander Mos­hen­sky, kjör­ræð­is­manni Íslands og ólíg­arka í Belarús. Áður hafði Karl eign­ast breskt félag Mos­hen­skys fyrir slikk. Þá og nú átti Mos­hen­sky á hættu að sæta við­skipta­þving­unum, vegna tengsla sinna við stjórn­völd í Belarús.

4. september 2023 Bæj­ar­full­trú­arnir sem störf­uðu með Tómasi Ellert Tómassyni í meiri­hlut­anum í Árborg segj­ast hafa orðið misundr­andi þegar þeir sáu fréttir af til­boð­inu sem hann fékk. Enginn þeirra fékk við­líka til­boð, frá Leó Árnasyni fjár­festi eða öðrum.

4. september 2023 Samuel Rostøl er svangur. Hann hefur enda ekki borðað síðan Svandís Svav­ars­dóttir mat­væla­ráð­herra heim­il­aði hval­veiðar að nýju á fimmtu­dag. En hans óþæg­indi eru smá­vægi­leg miðað við þær þján­ingar sem stór­hveli ganga í gegnum þegar þau eru skotin á hafi úti, segir hinn norski Rostøl.

4. september 2023 Tómas Ellert Tómasson, fyrr­ver­andi bæj­ar­full­trúi í Árborg, hefur verið boð­aður í skýrslu­töku hjá emb­ætti hér­aðs­sak­sókn­ara vegna frétta af til­boði sem hann fékk sem kjör­inn full­trúi. Tilboðið kom frá Leó Árnasyni fjár­festi og for­svars­manni Sigtúns þró­un­ar­fé­lags. Tómas segir að erindi skýrslu­tök­unnar sé að ræða um „mögu­legt mútu­brot“.

4. september 2023 „Enginn vildi þetta. Fyrir mig er þetta martrað­ar­kennt ástand,“ sagði kvik­mynda­gerð­ar­mað­ur­inn Micah Garen þar sem hann fylgd­ist með sam­starfs­konu sinni Anahitu Babaei sem hafði hlekkjað sig við mastur hval­veiði­skips­ins Hvals 9 í Reykja­vík­ur­höfn í morgun. Garen og Babaein komu hingað til lands til þess að skapa heim­ild­ar­mynd um það hvernig fólk getur tekið höndum saman og breytt heim­inum. Nú er útlit fyrir að myndin verði um það hvernig fólk hættir lífi sínu fyrir ástand sem aldrei breyt­ist.

4. september 2023 Í byrjun árs 2005 voru inn­flytj­endur sex pró­sent vinnu­aflsins á Íslandi. Fyrir þrettán árum voru þeir níu pró­sent þess. Í dag vinna alls tæp­lega 52 þús­und inn­flytj­endur á Íslandi og þeir eru 22,5 pró­sent starf­andi hér­lendis.

4. september 2023 Móðir er ósátt eftir að starfs­maður sum­ar­búð­anna við Ástjörn sagði dóttur hennar að sam­kyn­hneigð væri synd. Þetta er ekki í fyrsta sinn sem for­eldrar greina frá slíkri inn­ræt­ingu í sum­ar­búð­unum. Sum­ar­búð­irnar eru reknar af hinum kristi­lega Sjón­ar­hæð­ar­söfn­uði sem telur 35 manns. Sum­ar­búða­stjóri reyndi að forð­ast sam­tal við blaða­mann.

4. september 2023 Reitur 13 á Kárs­nes­inu hefur verið umdeildur árum saman. Íbúar í grennd­inni telja gengið á hags­muni sína og hið sama telja sumir bæj­ar­full­trúar minni­hlut­ans í Kópavogi. Fjár­festar eru sagðir hafa verið við stýrið í deiliskipu­lags­gerð þrátt fyrir að eiga ein­ungis hluta reits­ins. Í fyrra seldi félagið Vina­byggð reit­inn og fyr­ir­hug­aðar upp­bygg­ing­ar­heim­ildir á honum á 1,5 millj­arða króna, til félags í eigu Mata-systk­in­anna, sem hafa nú fengið bygg­ing­ar­rétt á allri lóð­inni án aug­lýs­ingar með sam­komu­lagi við Kópa­vogsbæ.

3. september 2023 Bangsap­artí og bangsa­brönsj er meðal þess sem var á dag­skrá bangsa­há­tíð­ar­innar Reykja­vík Bear um helg­ina. Þar voru saman komnir stórir og loðnir hinsegin karl­menn hvaðanæva að úr heim­inum til að eiga saman góðar stundir. Á föstu­dag var sér­stakt Top off partí þar sem menn voru hvattir til að skemmta sér berir að ofan, og þá skipti engu máli hvernig þú lítur út – lík­ams­skömmin var skilin eftir heima.