Annað líf Steinunnar Eldflaugar

Þegar Steinunn Eldflaug Harð­ar­dóttir var nýút­skrifuð úr mynd­list í Lista­há­skóla Íslands átti hún erfitt með að ein­beita sér að sér­grein sinni. Hún var virk í lista­komm­ún­unni Kunstschlager, bjó í frjóu umhverfi umkringd skap­andi fólki, en seg­ist samt hafa afvega­leiðst í að semja og spila tón­list. „Þegar allir í kringum mig voru að vinna í mynd­list sinni var ég alltaf að laum­ast til þess að gera tón­list,“ segir hin glað­lynda Steinunn.

Steinunn hefur vakið mikla athygli og kátínu fyrir sviðs­fram­komu sína og tón­list­ar­mynd­bönd, en hún leggur mikið upp úr því að vera með spenn­andi tón­leika sem eru í senn lit­ríkir, drunga­legir og mjög lif­andi. Til þess notar hún alls kyns reyk­vélar, ley­sigeisla og furðu­leg tæki, og sparar ekki til­þrifin.

Fór ótroðnar slóðir

Steinunn gaf út ógrynni af lögum, kasettum, og smá­skífum á árunum í kringum skóla­göngu sína, en platan Rokk og róleg lög kom út 2010 þegar Steinunn …