Fólkið sem stýrir hagsmunabaráttu íslenskra atvinnurekenda og situr í framkvæmdastjórnum Samtaka atvinnulífsins og Viðskiptaráðs Íslands var að meðaltali með 2,5 milljónir í almennar mánaðartekjur í fyrra en þar að auki runnu samtals 132 milljónir til þessara fimmtán einstaklinga í formi fjármagnstekna. 

Samtök atvinnulífsins og Viðskiptaráð höfðu afgerandi áhrif á umræðu um skatta- og ríkisfjármál í aðdraganda síðustu alþingiskosninga og beittu sér af krafti gegn hugmyndum stjórnmálaflokka um hækkun skatta á fjármagn og fyrirtæki.

Hagsmunasamtökin hafa einnig varað eindregið við aukinni samneyslu og aðgerðum til að sporna við ójöfnuði og hvatt til þess að reiknireglu fjármagnstekjuskatts verði breytt til að verja skattaðila fyrir verðbólguáhrifum. Slík áform eru boðuð í fjármálaáætlun núverandi ríkisstjórnar og gætu skipt sköpum fyrir tekjuhæstu hópa íslensks samfélags ef rætist úr áhyggjum Seðlabanka Íslands og fjármálaráðs af því að aðhaldsleysi í ríkisfjármálum muni kynda undir verðbólgu á næstu árum.

Öflugur framkvæmdastjóriHalldór Benjamín þykir hafa staðið sig vel …