20. júní 2023 SS hefur markað sér þá stefnu að flytja aðeins inn kjöt til að fylla upp í þarfir fyrir eigin fram­leiðslu. „Félagið er í eigu bænda og það eru ekki hags­munir okkar að keyra niður verð á inn­lendu kjöti,“ segir Steinþór Skúlason fram­kvæmda­stjóri.

17. júní 2023 Fyr­ir­tækið Stjörnu­grís er með umfangs­mestu inn­flytj­endum á kjöt­vöru til Íslands, þrátt fyrir vera sjálft stærsti fram­leið­andi svína­kjöts á land­inu. Geir Gunnar Geirsson eig­andi fyr­ir­tæk­is­ins segir betra fyrir neyt­endur að land­bún­að­ar­vörur séu undir toll­vernd. Gjöld sem greidd séu af inn­fluttu kjöti renni þá í rík­is­sjóð en ekki í vasa stór­kaup­manna og inn­flytj­enda.

16. júní 2023 Á aðal­fundi KS var sam­þykkt ályktun um að félagið og dótt­ur­fé­lög ættu ekki að flytja inn land­bún­að­ar­vörur. Dótt­ur­fé­lagið Esja gæða­fæði er eitt þeirra fyr­ir­tækja sem flutti inn úkra­ínskan kjúkling. Ágúst Andr­és­son stjórn­ar­for­maður Esju segir að rangt hafi verið staðið að mál­inu frá upp­hafi.

16. júní 2023 Fyr­ir­tæki í land­bún­aði eru hvað umfangs­mestu inn­flytj­endur erlendra land­bún­að­ar­vara. Á sama tíma og umrædd fyr­ir­tæki börð­ust gegn inn­flutn­ingi á úkra­ínskum kjúklingi stóðu þau sum hver sjálf í þeim inn­flutn­ingi. Þá er það almenn afstaða for­svars­manna fyr­ir­tækj­anna að tollaum­hverfi og úthlutun toll­kvóta fyrir land­bún­að­ar­vörur séu íslenskum land­bún­aði mjög óhag­stæð. Hins vegar taka þau þátt í útboðum á toll­kvótum og flytja jafn­vel inn kjöt, osta og egg á fullum tollum og keppa þar með við sjálf sig.