12. apríl 2021 Konur sem lýst hafa því að hafa verið beittar ofbeldi á með­ferð­ar­heim­il­inu Lauga­landi hafa ekki fengið svar við tölvu­pósti sem var sendur Ásmundi Einari Daðasyni félags­mála­ráð­herra fyrir átján dögum síðan „Það átti greini­lega aldrei að fara fram nein alvöru rann­sókn,“ segir Gígja Skúla­dóttir.

3. apríl 2021 María Ás Birg­is­dóttir lýsir því að hún hafi verið beitt illri með­ferð og and­legu ofbeldi af Ingjaldi Arn­þórs­syni þegar hún var vistuð á með­ferð­ar­heiml­inu Lauga­landi. Hún greindi þáver­andi for­stjóra Barna­vernd­ar­stofu, Braga Guð­brands­syni, frá ofbeld­inu en hann bar lýs­ingu hennar í Ingjald sem hellti sér yfir hana fyrir vikið. Full­trúar barna­vernd­ar­yf­ir­valda brugð­ust ekki við ítrek­uðum upp­lýs­ingum Maríu um ástandið á Lauga­landi.

25. mars 2021 Tryggt verður að fjár­skortur standi því ekki fyrir þrifum að hægt verði að rann­saka hvort stúlkur sem vistaðar voru á með­ferð­ar­heim­il­inu hafi sætt illri með­ferð og ofbeldi, segir félags­mála­ráð­herra.

25. mars 2021 Rannsókn á því hvort stúlkur hafi verið beittar illri með­ferð og ofbeldi á með­ferð­ar­heim­il­inu er enn á und­ir­bún­ings­stigi hjá Gæða- og eft­ir­lits­stofnun félags­þjón­ustu og barna­verndar. Vinna á rann­sókn­ina með­fram dag­legum verk­efnum „og því ljóst að nið­ur­staðna er ekki að vænta á næst­unni,“ segir í svari við fyr­ir­spurn Stund­ar­innar.

22. mars 2021 Mánuður er lið­inn síðan Gæða- og eft­ir­lits­stofn­unar félags­þjón­ustu og barna­verndar var falið að rann­saka hvort stúlkur á Lauga­landi hefðu verið beittar harð­ræði eða ofbeldi. Settur for­stjóri hefur ekki svarað spurn­ingum Stund­ar­innar og for­stjóri Barna­vernd­ar­stofu vill ekki veita við­tal.

18. mars 2021 Í könnun sem gerð var á afdrifum barna sem vistuð voru á með­ferð­ar­heim­ilum Barna­vernd­ar­stofu sögðu níu af 22 stúlkum sem vistaðar voru á Lauga­landi að þær hefður verið beittar ofbeldi af starfs­manni. Engu að síður fór engin frek­ari rann­sókn fram á starf­sem­inni.

15. mars 2021 Bragi Guð­brands­son, þáver­andi for­stjóri Barna­vernd­ar­stofu, lagð­ist þungt á rit­stjóra og blaða­mann DV vegna umfjöll­unar um meint ofbeldi af hálfu Ingjalds Arn­þórs­sonar, þáver­andi for­stöðu­manns með­ferð­ar­heim­il­is­ins á Lauga­landi. Þá beitti Bragi sér fyrir því að félags­mála­ráðu­neytið kann­aði ekki ásak­anir á hendur Ingjaldi og mælti með að ráð­herra tjáði sig ekki um málið.

14. mars 2021 Ingj­aldur Arn­þórs­son, for­stöðu­maður með­ferð­ar­heim­il­is­ins Lauga­lands, reif í og hrinti stúlku sem gekk „ögrandi skrefum“ fram­hjá honum. Atvikið hafði engar afleið­ingar, stúlkan var ekki beðin afsök­unar og var vistuð áfram á Lauga­landi. Starfs­menn barna­vernd­ar­nefnda og fagteymi BUGL kvört­uðu yfir Ingjaldi.

12. mars 2021 Fyrr­ver­andi for­stjóri Barna­vernd­ar­stofu, Bragi Guð­brands­son, hvatti félags­mála­ráð­herra til að gera sem minnst úr ásök­unum á hendur for­stöðu­manni með­ferð­ar­heim­il­is­ins Lauga­lands, Ingjaldi Arn­þór­syni, við fjöl­miðla. Þá lagð­ist hann einnig gegn því að félags­mála­ráðu­neytið afl­aði gagna um málið.

1. mars 2021 Ásta Önnu­dóttir, sem var vistuð um tveggja ára skeið á með­ferð­ar­heim­il­inu Lauga­landi, lýsir því að hún hafi orðið fyrir slíku and­legu ofbeldi þar að það hafi dregið úr henni lífs­vilj­ann. Hún hafi verið glað­vært barn en fram­koman í hennar garð á heim­il­inu hafi barið alla gleði úr henni. Það sé fyrst nú, im tveimur ára­tugum síðar, sem hún sé að jafna sig.

19. febrúar 2021 Ásmundur Einar Daðason, félags- og barna­mála­ráð­herra hefur ákveðið að kannað verði hvort börn sem vistuð voru í Varp­holti og Lauga­landi hafi orðið fyrir illri með­ferð eða ofbeldi.

19. febrúar 2021 Gögn frá umboðs­manni barna sýna að þangað bár­ust ítrek­aðar til­kynn­ingar á árunum 2000 til 2010 um slæmar aðstæður barna á vist­heim­il­unum Varp­holti og Lauga­landi, sem rekið var af sömu aðilum. Var Barna­vernd­ar­stofu gert við­vart vegna þess. Fleiri kvart­anir bár­ust beint til Barna­vernd­ar­stofu, en þáver­andi for­stjóri, Bragi Guð­brands­son, kann­að­ist ekk­ert við málið þegar leitað var svara við því af hverju ekki var brugð­ist við og starf­semin aldrei rann­sökuð.