Armani sagði sig úr söfnuði Votta Jehóva og hefur ekki fengið að hitta fjölskyldu sína í 11 ár. Armani segir frá andlegu ofbeldi innan Votta Jehóva, harðræði, baktali og hvers vegna hann ákvað að hætta. Öldungarnir eru þeir sem sjá um að halda öllu í skefjum og ef þú gerir eitthvað af þér að þá ertu kallaður á fund. Ein af reglunum voru að þú máttir ekki reykja, kyssa stelpu, fara í afmæli eða stunda íþróttir ef öldungarnir töldu það bitna á trúnni. Fjölskyldan hans setti honum það skilyrði að ef hann myndi hætta væri hann ekki lengur partur af fjölskyldunni. Hann lýsir miklum einmanaleika eftir að hann sagði sig úr söfnuðinum og átti enga vini. Armani hefur stofnað stuðningshóp fyrir Votta sem eru að stíga sín fyrstu skref út úr söfnuðinum og það má hafa samband við hann ef þú ert að íhuga að hætta.