Sunneva Einars er einn vinsælasti áhrifavaldur Íslands en þó hún sé einna helst þekkt fyrir sínar flottu Instagram myndir, þá á hún sér aðra hlið. Það sem fáir vita er að hún er ekki bara mikill ofurhetjuaðdáandi heldur er hún alvöru nörd. Þekkir meðal annars vel Marvel, DC, Dr. Who, Harry Potter, Star Wars og Star Trek.

Hafsteinn var því spenntur að fá hana sem gest til sín og Sunneva olli ekki vonbrigðum með nördaþekkingunni sinni. Hún svaraði tíu Marvel spurningum sem Hafsteinn samdi. Þar á meðal þurfti hún að segja hver væri hennar uppáhalds Marvel mynd, hver væri hennar uppáhalds Marvel ofurhetja, hvort hún hefði verið til í að berjast með Captain America í seinni heimsstyrjöldinni og hvaða Marvel vopn hún væri mest til í að eiga.

Þau ræða einnig hversu nördalegt herbergið hennar var þegar hún var unglingur, hvernig geislasverð Sunneva væri mest til í að eiga, hversu mikinn áhuga hún hefur á norrænni goðafræði og hundinn hennar, Bruce Wayne.