19. janúar 2017 Yfir­heyrslum yfir þremur skip­verjum af græn­lenska tog­ar­anum Polar Nanoq er lokið. Lögregla þarf að taka ákvörðun fyrir hádegi hvort hún óski eftir gæslu­varð­haldi yfir tveimur þeirra sem voru hand­teknir rétt eftir hádegi í gær.

18. janúar 2017 Lög­reglan á höf­uð­borg­ar­svæð­inu hefur rann­sakað upp­töku úr örygg­is­mynda­vél við Skóla­vörðu­stíg, en eng­inn þeirra sem sést á gangi á sama tíma og Birna Brjáns­dóttir hafa gefið sig fram við lög­reglu. Útgerð græn­lenska tog­ar­ans Polar Nanoq segir engar sann­anir liggja fyrir sem tengir áhafn­ar­með­limi við hvarf Birnu. Grímur Grímsson, yfir­lög­reglu­þjónn, segir lög­regl­una hafa yfir­heyrt fjölda fólks með stöðu vitnis. Enginn hafi þó verið yfir­heyrður með stöðu grun­aðs.

18. janúar 2017 Skip­stjóri Polar Nanoq, Julian Nolsø, seg­ist stefna til Íslands. Talið er að um 22 séu í áhöfn tog­ar­ans sem hefur oft komið til Íslands. Grímur Grímsson rann­sókn­ar­lög­reglu­maður segir lög­reglu vilja ná tali af fólki sem sést á mynd­bandi. Síðasta ljós­myndin sem sýnir Birnu fyrir hvarfið sýnir hana kaupa mat á veit­inga­stað við Ing­ólfs­torg um klukkan fimm um nótt­ina.

17. janúar 2017 Íslensk yfir­völd hafa óskað eftir aðstoð frá danska sjó­hernum í tengslum við leit­ina að Birnu Brjáns­dóttur. Talið er að skip­verjar um borð í tog­ar­anum Polar Nanoq hafi leigt rauða Kia Rio-bif­reið sem lög­reglan hefur leitað að. Skipið fór frá höfn á laug­ar­dag­inn.

17. janúar 2017 Svartir skór af teg­und­inni Dr. Martens fund­ust nærri Hafn­ar­fjarð­ar­höfn. Birna Brjáns­dóttir var klædd í sams konar skó þegar hún hvarf. Stundin hefur undir höndum mynd­skeið sem sýnir grun­sam­legar manna­ferðir fyrir utan Laugaveg 23 á sama tíma og rauða bif­reiðin sem lög­reglan leitar að keyrir fram­hjá.

16. janúar 2017 Þrjár lög­reglu­bif­reiðir stöðv­uðu rauða bif­reið í Bökkunum í Breið­holti og leit­uðu í henni hátt og lágt. Ekki er vitað hvort aðgerð lög­regl­unnar teng­ist leit­inni að Birnu Brjáns­dóttur. Í bif­reið­inni voru tveir menn en ekki liggur fyrir hvort þeir hafi verið hand­teknir eða þeim sleppt. Bif­reiðin er enn á sama stað, óhreyfð eftir leit­ina.

13. janúar 2017 Íbúar á Suð­ur­nesjum eru í sárum eftir tvö svip­leg dauðs­föll ungs fólks með aðeins nokkra daga milli­bili. Átján ára stúlka lést í bílslysi á leið í skól­ann og ungur maður, sem stefndi á breytt líf og nám, lést úr ofneyslu fíkni­efna.

6. janúar 2017 „Við erum alls ekki ánægð með það ástand sem er þarna,“ segir Eyjólfur Sæmunds­son, for­stjóri Vinnu­eft­ir­lit rík­is­ins, um kís­il­málm­verk­smiðju United Silicon í Helguvík. 17 athuga­semdir í þremur eft­ir­lits­heim­sóknum og for­stjór­inn segir von á fleirum.

4. janúar 2017 United Silicon hefur ítrekað farið á svig við starfs­leyfi verk­smiðj­unnar og gefið mis­vísandi upp­lýs­ingar til Umhverf­is­stofn­unar. Í nýj­ustu skýr­ingum sínum segja þeir að mynd­skeið Stund­ar­innar hafi sýnt losun á hættu­lausu ryki.

3. janúar 2017 Hættu­legar vinnu­að­stæður, losun eit­ur­efna í skjóli nætur, gríð­ar­leg mengun og meng­un­ar­varnir sem virka ekki eru á meðal þess sem sést á mynd­skeiðum sem tekin voru innan í verk­smiðju United Silicon á dög­unum og Stundin hefur undir höndum. „Áfell­is­dómur yfir eft­ir­lits­stofn­unum,“ segir starfs­maður sem blöskrar ástandið.

30. desember 2016 Hjálp­ar­sam­tökin United Reykja­vík ætla á mánu­dag­inn að minn­ast þeirra sem lát­ist hafa vegna áfengis og vímu­efna­neyslu á árinu 2016. Þau vilja opna augu ráða­manna fyrir hinu gríð­ar­stóra vanda­máli sem felst í mis­notkun vímu­efna og á sama tíma ætla þau að safna fyrir fjöl­skyldu Ástrósar, ungrar konu sem vakn­aði ekki á aðfanga­dag.

30. desember 2016 Forseti Íslands, Guðni Th. Jóhann­es­son, kall­aði for­mann Sjálf­stæð­is­flokks­ins, Bjarna Bene­dikts­son, á sinn fund í dag þar sem Bjarna var form­lega veitt stjórn­ar­mynd­un­ar­um­boð. Ef við­ræð­urnar ganga eftir verður Bjarni for­sæt­is­ráð­herra nýrrar rík­is­stjórnar.

29. desember 2016 Lög­reglan rann­sakar svip­leg dauðs­föll ung­menna á höf­uð­borg­ar­svæð­inu und­an­farnar vikur og mán­uði. Þeirra á meðal er and­lát ungs manns á AA-fundi í gær. Þau og fleiri eru syrgð á sam­fé­lags­miðlum.

21. desember 2016 „Ég hef séð það með eigin augum hvernig mis­skipt­ingin er,“ segir Styrmir Bark­ar­son, grunn­skóla­kenn­ari í Svíþjóð. Hann og eig­in­kona hans hafa und­an­farin ár safnað fyrir þau börn sem minna mega sín um jólin á Íslandi.

20. desember 2016 Bygg­inga­fé­lag Gylfa og Gunnars á í við­ræðum við Lands­bank­ann um kaup á rúmum 35 hekt­urum í Reykja­nesbæ sem tryggir þeim bygg­ing­ar­rétt á allt að 485 íbúðum. Keyptu Set­bergs­landið fyrir einn millj­arð í jan­úar.