27. október 2021 Alm­ar Þór Möller, lög­mað­ur Kol­beins Sig­þórs­son­ar, stað­fest­ir í sam­tali við Stund­ina að það að klára kæru brota­þola með sátt var skil­yrði fyr­ir því að Kol­beinn kæmi til álita að spila á heims­meist­ara­mót­inu í Rússlandi 2018. Þetta skil­yrði kom frá KSÍ.

25. október 2021 Eft­ir að hafa feng­ið vitn­eskju um að Kol­beinn Sig­þórs­son hefði ver­ið kærð­ur til lög­reglu hringdi Guðni Bergs­son, þá­ver­andi formað­ur KSÍ, í for­eldra Þór­hild­ar Gyðu Arn­ars­dótt­ur og spurði hvort mögu­leiki væri að ná sátt­um í mál­inu. Þetta gerð­ist áð­ur en lög­menn Kol­beins komu að því að reyna að sætta mál­ið.

22. október 2021 Kæra var lögð fram á hend­ur leik­manni FH, Eggerti Gunn­þóri Jóns­syni, ásamt lands­liðs­fyr­ir­lið­an­um. Aron Ein­ar Gunn­ars­son komst ekki í lands­liðs­hóp­inn vegna máls­ins. Form­að­ur að­al­stjórn­ar FH, Við­ar Hall­dórs­son, seg­ist hafa haft vitn­eskju um ásak­an­irn­ar í sum­ar en ekki sé ástæða til að bregð­ast við á með­an leik­menn­irn­ir hafi ekki ver­ið kall­að­ir í skýrslu­töku og fé­lag­inu ekki borist til­kynn­ing frá lög­regl­unni.

20. október 2021 Starfs­menn Hót­el Borg­ar­nes höfðu óheft­an að­gang að óinn­sigl­uð­um at­kvæð­um í auð­um sal hót­els­ins með­an yfir­kjör­stjórn var ekki á staðn­um eft­ir að fyrstu taln­ingu lauk. Lög­regl­an get­ur ekki stað­fest hvort að starfs­menn­irn­ir hafi far­ið að svæð­inu sem kjör­gögn­in voru geymd vegna þess að starfs­menn­irn­ir hverfa úr sjón­ar­sviði eft­ir­lits­mynda­véla. Þrír starfs­menn tóku mynd­ir af saln­um og þá at­kvæð­um.

17. október 2021 Mar­grét Sig­ur­jóns­dótt­ir, Gréta, býr í verka­manna­bú­stöð­un­um á Hring­braut. Þar hef­ur hún bú­ið með hlé­um frá fæð­ingu, með hinum ýmsu með­lim­um fjöl­skyld­unn­ar. Þarna hef­ur hún upp­lif­að fæð­ingu, dauða og yf­ir ein jól­in stóð kista með ömmu henn­ar lát­inni inn­an­stokks í íbúð­inni. Besti tím­inn í hús­inu var þeg­ar son­ur henn­ar bjó þar líka en hann lést fyrr á ár­inu. Sjálf ætl­ar hún ekki að flytja fyrr en hún fær­ir lög­heim­il­ið yf­ir til himna. Ævi­saga henn­ar er sam­tvinn­uð sögu íbúð­ar­inn­ar.

11. október 2021 Pepp eða Sam­tök fólks í fá­tækt hafa misst hús­næði sitt í Mjódd­inni. Ásta Þór­dís Skjald­dal, sam­hæf­ing­ar­stjóri sam­tak­anna seg­ir mik­inn missi af hús­næð­inu sem henti starf­semi sam­tak­anna einkar vel.

7. október 2021 Sam­kvæmt frétta­til­kynn­ingu frá Unicef er áætl­að að helm­ing­ur af­ganskra barna und­ir fimm ára aldri muni glíma við bráða­vannær­ingu á næstu vik­um og mán­uð­um. Yf­ir­menn Unicef, Barna­hjálp­ar Sam­ein­uðu þjóð­anna og Mat­væla­áætl­un­ar Sam­ein­uðu þjóð­anna í Af­gan­ist­an segja skelf­ing­ar ástand ríkja í nær­ing­ar­mál­um barna og staða fæðu­ör­ygg­is sé veru­lega slæm um allt land.

7. október 2021 Hanna Christel Sig­ur­karls­dótt­ir, íbúi á Seyð­is­firði sem hef­ur þurft að rýma hús­ið sitt vegna hættu­stigs og dvelja í fé­lags­heim­il­inu á staðn­um, seg­ist upp­lifa skort á upp­lýs­ingaflæði til íbúa varð­andi stöð­una sem geri það að verk­um að hún upp­lif­ir enn meiri óvissu og ótta en þann sem stafi af nátt­úr­unni.

1. október 2021 Magnús Dav­íð Norð­dahl hef­ur kært fram­kvæmd kosn­ing­anna til Al­þing­is og dóms­mála­ráðu­neyt­is­ins. Krefst Magnús þess að Al­þingi úr­skurði kosn­ing­ar í kjör­dæm­inu ógild­ar og fyr­ir­skipi upp­kosn­ingu.

28. september 2021 Ingi Tryggva­son, formað­ur yfir­kjör­stjórn­ar í Norð­vest­ur­kjör­dæmi, seg­ir að hann ætli ekki að skoða upp­tök­ur úr eft­ir­lits­mynda­vél­um á Hót­el Borg­ar­nesi til að vera viss um að eng­inn starfs­mað­ur hót­els­ins hafi far­ið inn í taln­inga­sal­inn þeg­ar eng­inn ann­ar var við­stadd­ur. Þar að auki seg­ir hann að hann myndi ekki fá að­gang að gögn­un­um vegna per­sónu­vernd­ar­laga

28. september 2021 Kona, með tengsl við hót­el­ið í Borg­ar­nesi þar sem taln­ing at­kvæða fór fram, birti mynd á In­sta­gram eft­ir að taln­ingu var lok­ið af óinn­sigl­uð­um at­kvæð­um. Kon­an sem tók mynd­ina virt­ist vera ein í saln­um.

27. september 2021 Geir Guð­munds­son og Hans Benja­míns­son, með­lim­ir í kjör­stjórn Kópa­vogs hafa gef­ið munn­lega grein­ar­gerð um ann­marka sem þeir fundu í með­höndl­un at­kvæða í Kópa­vogi og ætla sér að skila inn skrif­legri grein­ar­gerð til yfir­kjör­stjórn­ar Kópa­vogs um sama efni.

27. september 2021 Þór­ir Har­alds­son, formað­ur yfir­kjör­stjórn­ar í Suð­ur­kjör­dæmi, seg­ist ekki hafa séð neina ástæðu til þess að láta um­boðs­menn lista í kjör­dæm­inu vita af því að fram­kvæmt yrði „gæða­tjékk“ á vinnu­brögð­um yfir­kjör­stjórn­ar­inn­ar sem með­al ann­ars fól það í sér að fara aft­ur yf­ir at­kvæð­in.