Mynd dagsins

Greinaröð
Mynd dagsinsPáll Stefánsson

Óenda­leiki hringrásar Ragnars

Sum­arnótt, mynd­bands­verk Ragnars Kjart­ans­sonar (mynd) er nú sýnt á Lista­safni Íslands. Verkið var tekið upp um bjarta en hroll­kalda nótt austur í Vestur-Skafta­fells­sýslu, á tún­bletti sem kyssir Eld­hraunið. Sum­arnóttin var íslenskum lands­lags­mál­urum afar kært myndefni þegar fyrstu kyn­slóðir íslenskra lista­manna komu fram í byrjun síð­ustu aldar. Allt fer í hringi, sér­stak­lega þetta verk Ragnars.
Páll Stefánsson
Mynd dagsinsPáll Stefánsson

Veð­ur­spá­maður

Vegna mik­illa þurrka und­an­farið hafa Almanna­varnir í fyrsta sinn lýst yfir hættu­stigi vegna gróð­ur­elda frá Breiða­firði og alla leið í Mýr­dal­inn. Spurning hvort Veð­ur­spá­maður (1934) Ásmundar Sveins­sonar (1893-1982) gæti eitt­hvað hjálpað til að spá um hvenær óhætt verður að aflétta hættu­stig­inu? Ásmund­ar­safn opnar aftur eftir gagn­gerar end­ur­bætur, sem hafa staðið yfir síðan í októ­ber, með sýn­ing­unni „Ef lýsa ætti myrkva“, nú á fimmtu­dag­inn.
Páll Stefánsson
Mynd dagsinsPáll Stefánsson

Aftur um öld

Þegar Eyr­ar­bakka­kirkja var vígð árið 1890 bjuggu 702 sálir á Eyr­ar­bakka, nú rúm­lega 130 árum seinna búa 589 í pláss­inu. Kirkjan er veg­leg, tekur hvorki meira né minna en 240 manns í sæti. Fremst á mynd­inni má glitta í tvo glugga á svoköll­uðu Kirkju­húsi, en elsti hluti þess er hátt í 200 ára gam­all. Núver­andi útlit er öllu yngra, eða frá 1897, en það ár var húsið bæði lengt og hækkað um hæð.
Páll Stefánsson
Mynd dagsinsPáll Stefánsson

Vorkvöld í Reykja­vík

Bein lína frá Bessa­stöðum í eld­stöð­ina í Fagra­dals­fjalli eru 25 km. Síðan eig­andi Bessa­staða, Snorri Sturlu­son, var veg­inn árið 1241 hafa Bessa­staðir verið í kon­ungs- og rík­i­s­eigu; aðsetur höfð­ingja og háemb­ætt­is­manna. Frá stofnun lýð­veld­is­ins árið 1944, hafa allir sex for­set­arnir haft aðsetur á Bessa­stöðum. Bessa­staða­stofa, elsta og stærsta bygg­ingin, var byggð á árunum 1761 til 1766. Kirkjan var vígð árið 1823, en hún var hálfa öld í bygg­ingu — eða frá árinu 1773.
Páll Stefánsson
Mynd dagsinsPáll Stefánsson

Vestur og vest­ast á Kársnesi

Það fyrsta sem maður tekur eftir þegar komið er að nýja lón­inu, Sky Lagoon, vest­ast á Kárs­nes­inu, er klömbru­hleðslan í útvegg bað­stað­ar­ins. Ævafornt íslenskt hand­verk, á 21. aldar húsi. Lónið sjálft er svo allt annar heimur, þar sem Skerja­fjörð­ur­inn og mann­gert heitt og stórt lónið renna saman í einn bláma. Lónið sem opn­aði nú um dag­inn er ein stærsta einka­fram­kvæmd í ferða­þjón­ustu hingað til. Kostn­aður, 5 millj­arðar.
Páll Stefánsson
Mynd dagsinsPáll Stefánsson

Umferð­ar­þungi

Á venju­legum virkum degi í síð­ustu viku óku að með­al­tali 127.922 öku­tæki Ártúns­brekk­una. Íbúar Reykja­víkur eru 132.252, því má segja að hver íbúi höf­uð­borg­ar­innar fari brekk­una á hverjum degi, allt árið. Samkvæmt Sam­göngu­stofu keyrðum við Íslend­ingar í fyrra að með­al­tali 35 km á dag, rúma þús­und kíló­metra á mán­uði, 12.655 km á ári. Það eru hvorki meira né minna en 9,4 milljón kíló­metrar á dag sem við keyrum.
Páll Stefánsson
Mynd dagsinsPáll Stefánsson

Fyrsti maí 2021

Ræðan á Ing­ólfs­torgi var nokkuð góð, þar sem síð­asti komm­ún­ism­inn, Þor­valdur Þor­valds­son for­maður Alþýðu­fylk­ing­ar­innar tal­aði. Hann hafði und­ir­búið sig vel, byrj­aði í París árið 1870. Áhorf­endur á torg­inu voru bara tveir, með þeirri sem sá um streymið. Hátal­arnir voru fimm að magna upp boð­skap­inn. Handan við hornið á Aust­ur­velli var skraut­legur tutt­ugu manna hópur að mót­mæla bólu­setn­ingum: að auð­vitað væri Covid - sem er blöff - allt gyð­ing­unum Bill Gates og Soros að kenna.
Páll Stefánsson
Mynd dagsinsPáll Stefánsson

Augað verður aldrei þreytt

Afi minn Arnór Sig­ur­jóns­son var á Norð­ur­lönd­unum og síðan í Skotlandi akkúrat fyrir 100 árum, hér eru smá dag­bók­ar­brot frá því í apríl og maí 1921. ,,Dálítið er það leið­in­legt fyrir Ísland - mig sem hefur ein­hvern snefil af sjálfs­metn­aði, að finna það að það er alltaf eins og af náð ef Ísland er talið eitt af fjórum Norð­ur­lönd­unum.... Edinborg er feg­ursta borg sem ég hef séð, feg­urri en Stokk­hólmur; húsin að vísu á einn veg: grár en svip­ur­inn ýmis­legur... síðan eru hæðir og vötn, gras­balar og skógar allt á víxl og svo hag­ur­lega raðað að augað verður aldrei þreytt."
Páll Stefánsson