Greinar

5. júlí 2023 Sex systk­ini í Grinda­vík seldu fjöl­skyldu­út­gerð­ina sína á meira en 30 millj­arða króna í fyrra. Við það urðu til há­ar fjár­magn­s­tekj­ur sem leiddu af sér sex millj­arða króna skatt­greiðsl­ur. Fyr­ir vik­ið voru fjár­magn­s­tekj­ur á hvern íbúa í Grinda­vík á ár­inu 2022 næst­um níu sinn­um hærri en lands­með­al­tal­ið.

5. júlí 2023 Rúmlega 75 pró­sent af fjölgun starf­andi ein­stak­linga á vinnu­mark­aði á milli ára er til­komin vegna fjölg­unar erlends starfs­fólks. Kröftug við­spyrna ferða­þjón­ust­unnar hefur þar mikið að segja.

5. júlí 2023 Ekkert bólar á inn­leið­ingu spila­korta til að koma í veg fyrir nafn­leysi og „falska vinn­inga“. Þrátt fyrir það hefur verk­efnið verið á aðgerða­á­ætlun rík­is­stjórn­ar­innar gegn pen­inga­þvætti og fjár­mögnun hryðju­verka síðan Ísland fór á gráa list­ann. Dóms­mála­ráðu­neytið leggur nú hins vegar til breyt­ingar á reglu­gerð um spila­kassa Íslands­spila þar sem hámarks­vinn­ingur er hækk­aður úr 300 þús­und krónur í 5 millj­ónir. Virkur spilafík­ill vill hert aðgengi að spila­kössum frekar en að banna þá.

5. júlí 2023 Atburðir í Rúss­landi í lok júní síð­ast­lið­inn eru lyg­inni lík­astir. Einn af helstu vinum Pútins gerði til­raun til bylt­ingar, upp­reisnar, eða valda­ráns. Eða hvað á að kalla þetta? Afhjúpaði þetta með skýrum hætti veik­leika Pútin-kerf­is­ins og í því hriktir nú veru­lega.

5. júlí 2023 Þing­flokks­for­maður Sjálf­stæð­is­flokks­ins segir mat­væla­ráð­herra hafa kastað blautri tusku í and­lit þing­manna sam­starfs­flokka og að það sé „póli­tískur barna­skapur að halda að slíkt hafi ekki áhrif á sam­starfið innan rík­is­stjórn­ar­innar.“

4. júlí 2023 Íslend­ingar not­uðu 24 pró­sent meira gagna­magn á far­síma­neti í fyrra en árið áður og 12,3 pró­sent meira gagna­magn í gegnum fasta­net. Tæplega 82,2 pró­sent not­enda á fasta­neti eru nú með ljós­leið­ara­teng­ingu, en þeir voru þriðj­ungur 2016.

4. júlí 2023 Íslands­banki greiddi íslenska rík­inu næstum 1,2 millj­arða króna í sekt vegna lög­brota sem framin voru innan bank­ans í fyrra. Starfs­lok banka­stjóra, fram­kvæmda­stjóra og for­stöðu­manns, sem eru með sex til tólf mán­aða upp­sagn­ar­fresti, gætu kostað að minnsta kosti 138,3 millj­ónir króna.

4. júlí 2023 Rík­is­end­ur­skoðun hefur boðað að unnið sé að eft­ir­fylgni vegna stjórn­sýslu­út­tektar sem stofn­unin fram­kvæmdi á sölu á 22,5 pró­sent hlut rík­is­ins í Íslands­banka. Guð­mundur Björgvin Helgason rík­is­end­ur­skoð­andi segir við Heim­ild­ina að ekki sé hægt að sjá að for­svars­menn Banka­sýsl­unnar hafi dregið nokkurn lær­dóm af skýrslu Rík­is­end­ur­skoð­unar.

4. júlí 2023 Í apríl sendi starfs­maður fjár­mála- og efna­hags­ráðu­neyt­is­ins bréf til for­seta Alþingis þar sem lagst var gegn afhend­ingu grein­ar­gerðar um Lind­ar­hvol. Bréfið var sent án vit­undar og vilja ráð­herra.

4. júlí 2023 Sektin sem Creditinfo er gert að greiða er sú lang­hæsta sem Per­sónu­vernd hefur lagt á. Sektin kemur í kjöl­far kvört­unar Neyt­enda­sam­tak­anna sem segja málið einn anga bar­áttu NS og laun­þega­hreyf­ing­ar­innar gegn „smá­lána­ó­ár­an­inni“

4. júlí 2023 Eigið fé íslenskra heim­ila heldur áfram að hækka og er nú orðið 7.748 millj­arðar króna. Tíu pró­sent fjöl­skyldna í land­inu tekur nú að jafn­aði til sín um helm­ing alls nýs auðs sem verður til í land­inu á ári. Sá hópur átti eigið fé upp á 3.983 millj­arð króna í lok síð­asta árs.

4. júlí 2023 Í svari sem fjár­mála- og efna­hags­ráð­herra hefur sett fram á vef Alþingis er rakið hvaða skatt­kerf­is­breyt­ingar rík­is­stjórn Katrínar Jak­obs­dóttur hefur ráð­ist í og hvernig þær hafa haft áhrif á tekju­öflun rík­is­sjóðs. Tekju­skatts­lækk­unin sem sam­þykkt var 2019 er helsti lið­ur­inn í þeim breyt­ingum sem núver­andi rík­is­stjórn hefur inn­leitt, en heild­ar­á­hrifin voru metin á 69,4 millj­arða til lækk­unar á tekjum rík­is­sjóðs á síð­asta ári.

3. júlí 2023 Nýr banka­stjóri Íslands­banka tók ákvörðun um að tveir stjórn­endur innan bank­ans yrðu að víkja vegna ábyrgðar þeirra á útboði á hlut rík­is­ins í bank­anum. Jón Guðni Ómarsson segir að með því og öðrum aðgerðum haldi hann að takast megi að vinna aftur traust í garð bank­ans en það muni taka tíma „og mikla vinnu“.