Fólk er að vakna til vitundar um ábyrgð sína á þeirri alvarlegu stöðu sem er í loftslagsmálum. Sífellt fleiri huga að því að minnka vistspor sitt með því að breyta lífsstíl sínum. Í könnun sem Gallup gerði í desember síðastliðnum sögðust tæplega 50% aðspurðra nokkuð hafa breytt neysluvenjum í daglegum innkaupum til að minnka umhverfisáhrif sín. Tæplega 6% sögðust hafa breytt þeim mikið og um þriðjungur þeirra sem tók þátt sögðust lítið hafa breytt neysluvenjum sínum. Flestir telja að umhverfisverndarsamtök myndu helst ná árangri í að draga úr losun gróðurhúsalofttegunda. Þar á eftir voru háskólar nefndir og svo almenningur.

Mikil umræða er einnig um loftslagsneyðina á samfélagsmiðlum. Síðum á Facebook þar sem loftslagsmálin eru í brennidepli hefur fjölgað mikið síðustu misseri. Á þessum síðum er oft lífleg umræða um nýjustu rannsóknir sem tengjast hlýnun jarðar, þar birtir fólk fréttir meðal annars af mælingum á losun gróðurhúsalofttegunda, bráðnum jökla, útrýmingu dýrategunda, …