Síðasta haust kom kvikmyndin Mordene i Kongo út, sem segir sögu tveggja Norðmanna sem árið 2009 fengu samanlagt níu líflátsdóma fyrir að hafa drepið mann í Kongó. Stórleikarinn Aksel Hennie leikur annan þeirra og lét fjarlægja úr sér tennur, fékk sér botox og missti 15 kíló til að leika fangann. Myndin kostaði um 700 milljónir íslenskra króna í framleiðslu en ekki eru allir á eitt sáttir við afraksturinn. Myndin hefur fengið misjafna dóma, handritshöfundurinn hætti í miðjum klíðum og hótanir voru uppi um lögsókn. En hvað var það eiginlega sem gerðist í Kongó fyrir rétt tæpum tíu árum?
Sjálfir sögðust mennirnir tveir einungis hafa verið í skemmtiferð í landinu og að ókunnugir menn hafi skotið bílstjórann þeirra, Abedi Kasongo, á meðan þeir migu í vegarkantinum. Tveir aðrir farþegar í bílnum segja hins vegar að þeir hafi sjálfir myrt bílstjórann. Kasongo lét eftir sig ekkju og sex börn og …
Athugasemdir