Árið 2023 hófst þannig hjá Pedro Gunnlaugi að Páll Valsson, útgefandi hans, hringdi í hann og sagði honum að hann hefði hlotið Íslensku bókmenntaverðlaunin fyrir skáldsöguna Lungu. Þetta er önnur bók höfundar, sú fyrsta hét Málleysingjarnir, en um hana sagði bókmenntagagnrýnandinn Þorgeir Tryggvason: Skrifað af feikilegu öryggi ... Rosalega mögnuð bók! Og Kolbrún Bergþórsdóttir klykkti út með: Ein athyglisverðasta bók ársins.

Að fyrsta verk höfundar hljóti svo háfleyga dóma er fátítt. Oftar er fjallað á passívum nótum um frumraun höfundar, og gjarnan gefinn ákveðinn slaki með orðinu frumraun. Óhætt er að segja að Pedro Gunnlaugur hafi sett svip á sögu íslenskra bókmennta um leið og hann byrjaði að skrifa, hann er eins konar ævintýri.

Ég las Lungu í einum rykk og strax á fyrstu síðunum blasti við að höfundur býr yfir svo flæðandi kátum hæfileika til að segja sögur að það tendrar hugrenningatengsl við ekki minni sagnakarla en Gabriel García …