Myndband: Lögregla sprautaði piparúða og hrinti mótmælendum

Lögregla úðaði piparúða yfir mót­mæl­endur fyrir utan rík­is­stjórn­ar­fund í morgun. Mót­mæl­andi segir ráð­herra ekki hafa verið í neinni hættu.

Lög­reglan spraut­aði piparúða yfir þó nokkra mót­mæl­endur í Skugga­sundi þar sem rík­is­stjórn­ar­fundur var hald­inn í morgun.  Mótmælin voru á vegum sam­tak­anna Ísland-Palestína. Talsverð harka var í aðgerðum lög­reglu líkt og sjá má á með­fylgj­andi mynd­bandi.

Sjón­ar­vottur sem ekki vill láta nafns síns getið segir að mót­mæl­endur hafi kallað og reynt að hindra för ráð­herra­bíl­ana með því að færa sig ekki burt. Þá hefði lög­regla tekið að hrinda mót­mæl­end­unum og sprauta piparúða. Óein­kenn­is­klædd lög­regla hefði dregið einn mót­mæl­and­ann eftir jörð­inni. 

Við­kom­andi segir að allir lög­reglu­þjón­arnir hefðu verið með pipar­úð­ann til­bú­inn áður en nokkur ástæða var til að nota hann. Einn þeirra hefði tekið upp kylfu og haldið henni uppi lengi.

Voru ráð­herr­arnir í nokk­urri hættu?

„Alls ekki. Það snerti eng­inn bíl­inn einu sinni.“

Samkvæmt Vísi eru tíu mót­mæl­endur illa haldnir og einn lög­reglu­maður slas­aður eftir að hafa orðið fyrir ráð­herra­bíl. Salvör Gullbrá Þór­ar­ins­dóttir segir í við­tali við Vísi að um 40 mót­mæl­endur hefðu fengið piparúða yfir sig. 

Kjósa
14
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (2)

Skráðu þig inn til að skrifa athugasemd eða kjósa.
  • Jón Ragnarsson skrifaði
    Arfleifð forsetaframboðs Katrínar Jakobsdóttir í boði Sjálfstæðisflokksins !
    -1
  • APA
    Axel Pétur Axelsson skrifaði
    sprautaði piparúða = eiturvopnaárás . . .
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið undanfarið ár